(مجله كل الخواطر ) ما فيش غرام - الشاعر الكبير / حمدى القرشي

............. ( مافيش غرام ) !! .....................
.
مافيش غرام , ولاعشق دام .....
.
اشمعنى عشقي راح يدوم ؟!!
.
والحُب نار , ناره بتكوي في القلوب
.
ولهيب يزيد بمرار جديد وفكل يوم
.
مره نقول ......... ( رَقْ الحبيب )
.
وكتير بنشكي من الهموم !!
.
والحُب كان فيه الكرامه
.
ولاعمره شاف منا ملامه
.
كان عند ( قيس ) أو ( ليلته )
.
مش زيِّنا , مش كل عاشق , و ( بلوته ) ؟!!
.
زمن العجب . الحب فيه زي السراب
.
والليل طويل , عند اللقا , ونهاره كان زي الهباب !!
.
مين اللي يقدر عالغرام بالشكل ده ؟
.
والصبح ييجي بطلعته صوت الغراب !!
.
الحب كان فيه الأمل
.
وزمانه كان زمن العمل
.
كان بالوفاق , والصدق فيه ومزينه
.
مش كان ضلال , والكذب احنا نلونه !!
.
و ( الاحترام ) كان الاساس
.
ولافيه ( دهب ) أو حتى ماس !!
.
حتى الجمال ...............
.
كان بالكمال
.
والفرحه تيجي تزينه
.
( ومافيش غرام , ولاعشق دام .....
.
اشمعنى عشقي كان يدوم ) !! .
.
.
/ حمدي القرشي