جارى التحميل
استخدم زر ESC أو رجوع للعودة
قلبى لما إنكسر
******
هاتولى شهر فى السنة
مفيهوش ذكرى مؤلمة
هاتولى صوت كنت بسمعة
دلوقتى أنينى وأنا بودعة
قولولى على حاجة تنسينى الجرح
على علاج يرجعلى الفرح
هاتولى شمعة كانت منورة حياتى
و إيد كانت تطبطب على أهاتى
كلمونى على فراق الغاليين
على وجعى فى بعد
ميدو وصابرين
عن ضهرى لما إنقسم
وضاع السند
عن قلبى لما إنكسر
يوم ما راح الوتد
كنت ضهرى وسندى
ابويا وأخويا
كنت قوتى لما إنظلمت
كنت فرحتى لما إنكسرت
يمكن أظلمك لما أبكي عليك
بس غصب عنى
مش بتفارقنى نظرة عنيك
سامحوني يا إخواتي
فراقكم هدنى
ربنا يجمعنا بيكم فى جنتة
ويهون وجعى لما حضنكم يضمني
أختكم عزة
