النُّقطَة الحَسَّاسَة
**************
بقلمى / حمادة البهلوان
*******************
ماشيين فى الضَّلمَة .. بِنتعَاجِــــب
أكلِين مِيت جَزمَة .. و مش عَاجِب
وان يوم نِتنَفِّس تقُولُولنَــــــــــــــــا
هِيَّا العِين تِعلَى عَـن الحَاجِــــــــب
ساكتين عَـ الظَّلم .. ونِستاهَـــــــل
وفـ حَق الدَّم .. بِنتسَاهِـــــــــــــــل
و ان كنتم عاوزين تِرتاحُـــــــــــــــوا
الرَّاحَة مَبِتجِيش بِالسَّاهِـــــــــــــل
شاربين المُر .. كَاسَات دَايـــــــــرة
وعَلِينَا تمُر .. سنين دَايــــــــــــــرَة
ومَدَامهَا خَتمِت بِتحَــــــــــــــــرُّش
تِبقَا عَلِينا اتقَفَلِت دَايـــــــــــــــــرَة
عَايشين حَدُّوتَة .. بِتتكَــــــــــــــرَّر
طافحين الكُوتَة .. و بتمَـــــــــــــرَّر
عَلَشَان بَس مُجرَّد لُُقمَــــــــــــــة
يبقَا أكيد لازِم نتغَيَّـــــــــــــــــــــر
و المَسألَة مش طَالبَة .. سياسة
ولا فَزلَكَة خَايبَة .. و لا كَيَاسَـــــة
مِـ الآخر ، هَتصَحِّى ضميـــــــــرك
ودى تَبقَا النُّقطَة الحَسَّاسَــــــــة
**************