خالتى تونس
يا خضرا .. يا ام الطرحة خضرا فى القلب مفروشة
ياللى غيطانك طارحة عيدان المسك مرشوشة
يالوحة من صنع البديع من غير قلم او ريشة
تونس ياخالتى .. ياخت امى وحبيبتى
باحبك ..
ياخضرا وعفية .. ياثايرة وبشوشة
*****
لملمتى فرحك.. وجرحك ياخضرا طاب
لما حلفتى مايفضل ماليكى الضباب
وصرختى قلتى .. جه وقت الحساب
يابنى ويابنتى
ياناسى ف مدينتى
اصحوا وفوقوا .. كفايا غياب
*****
ودم الشهيد بدوسة زناد
لتمحوا حصون الغبا والعناد
مايفضل فى حجرى ريحة فساد
باحبك ياخالتى..
ياخت امى وحبيبتى
وهاحكى حكايتك لكل الولاد
الشاعر / حسام غزال
