<!--
<!--<!--[if gte mso 10]> <style> /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->
بحبك با مصر
بحبك يا مصر وبعشق ترابك
وألف المداين وارجع لبابك
وأحس بكيانى وكرامتى فى رحابك
يقولوا فقيرة يقولوا أسيرة
بشوفك أميرة وأحبك يا مصر
بحبك ملاية ومنديل بقويا
مقالب من أختى وغتاتة من أخويا
ودعوة من أمى تنسينى همى
وحكمة من أبويا يا ست الحبايب
ولادك بنوكى بروحهم فدوكى
ويشهد عليهم ترابك فى سينا
ومنهم باعوكى علشان الشيكات
وفيلا فى مرينا
يعيشوا فى خيرك ويدوه لغيرك
ولاد اللذينا
ولو جار زمانهم يعودوا لمكانهم
يلاقوا السكينة
وتنسى جحدهم وتبكى عليهم
عنيكى الحزينة
فى أرضك سرحت فشلت ونجحت
وعشت ببساطة
صاحبت الحمام ونمت فى أمان
ولو على البلاط
وحلم التمنى ينور ليلتنا
وأحب زيارة لبيت عم سيد
ده أصله فقير مش هيقدر يعيد
نعيد عليه نفرح عنيه
ويدعلنا دعوة بمليون جنيه
فى أرضك يحس الغريب إنه مصرى
وإحنا الأجانب
ويلقى الرعاية ويلقى الحماية
على كل جانب
ويمشى فى ربوعك ويشبع بجوعك
ويعمل مصايب
ويرحل وينسى جميلك ويقسى
ويطلع يعايب
ويرجع تسامحى يا سكنة فى ملامحى
وأحبك حبيبة على البحر جاية
فى ساعة عصارى
ونسمة قبالها تطير فى شالك
وترجع تدارى
وأحبك مراكب تعدى اللى راكب
لبر الأمان
يدوب جو نيلك ويعطش يجيلك
يقولك كمان
وأقابلك ببوسة فى زفة عروسة
ولما فى بيتنا مع ولاد جارتنا
تدق المزاهر ترد المزامر
تزغرد جارتنا نهلل نغنى
تغير فى شكلى همومى ومشكلى
لكن روحى لأ
أعبر بغنوة وأقول نكتة حلوة
لكن اليأس لأ
ماطيقش الغتاتة
وقلبى المسالم لم يعرف شماتة
وأقول بالثلاثة
بحبك بحبك بحبك يا مصر
ساحة النقاش