كانت وعود ولما  الشمس طلعت  اتبخرت
كانت عقود ولما  طلبها   القاضي  اتزورت
بعد ماايامي  اتعطرت  وبساتيني   زهرت
فلحظه واحده سرق حلمي من بين  ايديا
فلحظه واحده  قتل  قلبي   قـدام   عينيا
وخلي  كل  حاجه  حلوه ف حياتي مررت
ماهي  كانت  وعود  ولما  الشمس  طلعت
                       اتبخـــرت
                **************
كان  حـب  ولا  انتقـام  وموت   بالبطيئ
كان  عشق ولا  اتراهن يدبح  قلب  بريئ
قلب كان بيدمنه كان بالنسباله   كل  شئ
ليه  حدفه   ف بحر  حبه   وفاته   غريق
وف ثانيه  كل الآمال  والاماني  اتبعترت
ماهي  كانت  وعود  ولما الشمس  طلعت
                       اتبخــرت
                  *************
ف قلبي نار قايده  ف نبضي الف  حريق
شايفه  الطريق  قدامي الف  الف  طريق
معـدش  ليا  حبيب   معـدش ليا  صديق
بعد  مافاتني  ماسبلي  كلمه   تبل  الريق
ليه قلبه باع ليه عيونه من حبي اتنكرت
ماهي  كانت  وعود  ولما الشمس طلعت
                      اتبخــرت
غنائيه بقلمى// صابر الطوخي