أسئلة هامة وأجاباتها عن كل ما يخص قائمة المنقولات الزوجية 

قائمة المنقولات الزوجية … علشان كتير بيسأل السؤال ده .. هل أنا من حقى اخد الفلوس إلى مكتوبه فى القائمه بدل العفش ولا لا وخصوصا لو كان المبلغ أكبر من المنقولات ..؟؟؟ القانون قال إن الأصل هو رد المنقولات بعينها … بمعنى ايه ؟؟ يعنى المفروض أن الزوج كتب قائمة منقولات علشان هو استلم منقولات مش استلم فلوس أو مبالغ ماليه … فالمفروض ان الزوج استلم المنقولات وتعهد بردها يبقى المفروض يردها بحالتها مش يرد قيمتها … طيب امتى الزوج يكون ملتزم برد قيمة القائمة أو المبلغ إلى فى القائمة … ؟ قولنا أن الأصل أن الزوج يرد المنقولات ولكن فى حالة تلفها أو هلكها أو تعذر ردها … يبقى فى الحاله دى الزوج ملزم برد قيمتها الماديه … طيب يعنى لو فى حاجه فى القائمة مش موجوده يبقى يرد كل المبلغ ..؟ لا طبعا الزوج بيرد قيمة الحاجه إلى ناقصه فى القائمة إنما لو الحاجات إلى فى القائمة كلها مش موجوده يبقى فى الحاله دى الزوج ملزم برد قيمة القائمة كلها … طيب ولو فيه حاجات ناقصه ومش مكتوب ثمنها ؟ يبقى فى الحاله دى حنطلب خبير يحدد ثمن الحاجه إلى ناقصه ويجب على الزوج عرض ذلك المبلغ … طيب ولو الزوج عرض منقولات غير الى استلمها .. ؟ يبقى بردو فى الحاله دى الزوجه من حقها الامتناع عن الاستلام وطلب ندب أحد الخبراء لمعاينة تلك المنقولات ولها أن تثبت صحة أقوالها بكافة طرق الإثبات … يعنى الأصل فى الموضوع هو رد المنقولات وليس رد ثمنها

——————————————————-

أسئلة هامة وأجاباتها عن كل ما يخص قائمة المنقولات الزوجية

س: متى تفقد القائمه حجيتها القانونيه و تصبح مجرد حبر على ورق !؟

ج: لو موقعتش عليها من الأول

س: فى نص معين لو اتكتب يخل بالمعنى !!

ج: ممكن تكتب في القائمه ان ما ورد بقائمه المنقولات يعتبر مهر للعروس

س: ده هيترتب عليه اى

ج: لو كتبت أن القائمة بالكامل أو حاجات معينة فيها هي المهر فالزوجة لو رفعت خلع فهي ملزمة برد المهر لك بالكامل يعني هي اللي تديلك القايمة كلها بما فيها الدهب لو مكتوب لكن لو أنت اللي طلقتها يبقى هتديلها القايمة كلها.

* الافضل تكتب قيمة المهر في قسيمة الجواز وتعلق القائمة علي شرط الاستحقاق لاتستحق الاحين بلوغ اي من الاجلين الوفاة او الطلاق وبلاش شروط كتير لان مش كلها بتمشي بيها لانها ايصال امانة في الاصل وانك استلمتها علي سبيل عارية الاستعمال مش علي سبيل الامانة وده افضل

———————-

س: ما العمل استاذنا في حالة تحرير محضر بالقايمة ثم تم التصالح هل تصبح القايمة هي والعدم سواء

ج: نعم ولكن أن تم التصالح والرجوع على نفس المنقولات يحق لها إقامتها مره اخرى

س: هل يتم كتابة صيغة معينة للتصالح ام يتم كتابة القائمة من جديد وشكرا

ج: لو كان الإقرار بالتصالح فقط دون ذكر أنها رجعت على نفس المنقولات يبقى لازم قائمه جديده تفاديا لعدم جواز نظر الدعوى لسابقة الفصل فيها

س: ممكن توضح النقطه دي اكتر يا استاذ محمد يعني لو رجعت علي نفس المنقولات يبقي لازم قايمه جديدن تفاديا لعدم جواز نظر الدعوي السابقه .. احنا اتصالحنا في الدعوي السابقه ورجعت بنفس المنقولات ورفعت دعوي تاني هي بنفس القايمه السابقه 

ج: لو مثبت فى التصالح أنها رجعت على نفس المنقولات يجوز لها أن تشتكى مره اخرى بنفس القائمه

———————

س: أحد الأشخاص حدث خلاف وليس طلاق بينه وبين الزوجه وكان شرط الرجوع الامضاء على قائمه منقولات جديده بمبلغ أكبر اى وحده يعدد بها القديمه ام الجديده ام الاثنين .

ج: الاتنين

س: حتى لو التاريخ مختلف فى الاخيره عن تاريخ الأولى احدث يعنى ؟

ج: مافيش مانع قانونى … لازم القاضى يقتنع بأن المنقولات واحده وده حيكون شغل المحامى

س: يعنى لو القائمه الجديده مختلفه وازيد بيكون فى راىء آخر

ج: أكيد

———————

س: هل النفقة الزوجية غير نفقة السنتين اللى الزوجة بتاخدها بعد الطلاق؟ولا هيه هيه

ج: نفقة الزوجيه حاجه والمتعه حاجه تانيه

———————

س: يعنى لو الزوجه ساعت عرض المنقولات قالت على بعض المنقولات دى مش بتاعتى ساعتها بتتخزن في القسم على نفقتها ولا الزوج بيحملها تانى ويمشي؟

ج: الزوج بيحملها ويمشي وممكن تقديم طلب لايداعها على نفقتها الخاصه

——————— 

س: ماذا يحدث لو قام الزوج باجبار الزوجة القاصر علي ان تتنازل عن قائمة المنقولات في ورقة بإمضاءها

ج: جنايه إكراه على توقيع ويعد التنازل باطل

———————

س: معذره.ولكنى.قرات.مبدا.لمحكمة.النقض.بسقوط.الشق.الجناءى.والحبس.فى.جنحة.التبديد.المنقولات.

ج: للأسف دى اتجاهات قضاه وليس مبدأ ثابت ولكل قضيه ظروفها

س: هل.لها.الحق.فى.استرداد.المنقولات.والحياه.الزوجيه.قاءمه.

ج: نعم يحق لها ذلك

———————

س: لو الزوج عمل معارضه على الحكم الغيابى وإترفضت كده الزوجه تستلم العفش ولا ممكن يعمل حاجه تانى

ج: لسه استئناف ولو ماحضرش يعمل معارضه استئنافية

س: والكلام ده بياخد وقت

ج: كل قضيه وليها ظروفها يافندم

——————–

س: لو مفيش قايمة من الأصل وانى القايمة الموقع عليها قايمة أفتراضية ايه طريقه خروج الزوج من هذا المأزق؟

ج: يعنى ايه افتراضيه ؟؟

س: افتراضية يعنى صورية يعنى لم يتم شراء اى اثاث ولا يوجد شقة زوجية وان ماكتب هو اثاث غير واقع باسعار صورية

ج: لازم تثبت ده قدام القاضى وغالبا حيكون صعب

س: ايه الاثباتات اللى ممكن تتقدم فى هذه الحاله علما بأننا أقمن فى فندق بعد الزواج مباشره وبعدين روحنا على السعودية 

ج: واقعت التسليم واقعه ماديه يجوز إثباتها بكافة طرق الإثبات

س: يعنى أوراق حجز الفندق والاقامه فيه وصور من جوزات السفر والحجوزات وشهود يثبتوا عدم وجود عفش وسكن زوجية يكفي

ج: المهم القاضى يقتنع بكده

——————-

س: ممكن اعرف لو الزوج مخلوع والزوجة بتاخد نفقه بس هوه مش بيدفع ايه إللى ممكن البنك ناصر يعمله

ج: بيحرك ضده جنحه تبديد 

——————-

س: لو قائمة المنقولات. اتعمل بيها جنحة تبديد..واتحكم فيها بالحبس..والزوج نفذ…هنا الزوجه بترجع علي الزوج بدعوي مدنيه وتطلب قيمة المنقولات الزوجيه المدونه بالقايمه..مش بتطلب المنقولات نفسها…ولا ايه راي سيادتك

ج: بتطلب المنقولات وفى حالات تعذر ردها أو هلكها بتطلب قيمتها الدعوى اسمها رد اعيان جهاز

——————

س: مش ممكن العروسه تقول العفش ده مش بتاعى…او متكسر..وعايزه قيمته بداله

ج: المحكمه بتندب خبير وبيحدد

——————

س: ف حكم اول درجه الزوج اخد سجن ٦ شهور واحال الدعوة للحق المدني حكم بقرش صاغ وف الاستئناف طلب الزوج عرض المنقولات وتم تسليمها بالفعل لكن ما عدا الذهب والقاضي حكم فيها بعد ذلك ببراءته من تسليم الذهب هل كدة ليا حق ارفع الدعوي المدنيه ولا حتترفض لو رفعتها علشان البراءة الي اخدها

ج: حسب حيثيات الحكم الصادر بالبراءه

——————-

س: لو سمحت ينفع اقسط تمن اجمالي القايمه ولو ينفع بيكون كل اد ايه وكام

ج: ماينفعش

س: طيب ايه الحل المبلغ كله مش معايه والحاجات مش موجوده علشان حصل حريق في الشقه والفرش كله اتغير 

وللاسف معملتش محضر بواقعه الحريقه

ج: أثبت ده بشهادة الشهود

س: ولو اتثبت هيقسط عادي وانا بعرف ان حوار القسط ده بيكون مع المحضرين

ج: لو رافعه جنحة تبديد مافيش اقساط

——————–

س: طب اذا الزوج لم يتسلم المنقولات لكنه مضي وقامت الزوجه برفع دعوي بالقابمه فما العمل؟؟ 

ج: يثبت أنه لم يستلم وينتفى ركن التسليم

س: طب الاثبات ممكن يكون بتوجيه اليمين الحاسمه

ج: ممكن

س: ماهى صحه معلومه انه لايجوز توجيه اليمين الحاسمه فى دعوى المنقولات

ج: غير صحيحة ومن قال هذا يأتى بالسند القانونى.. واقعه التسليم واقعه ماديه يجوز إثباتها بكافة طرق الإثبات من بينها توجيه اليمين 

——————-

س: لوسمحتم لو أخذ الزوج الذهب وباعه ولم يكتب بذلك أى إثبات فكيف يمكن للزوجة أن تأخذه منه ولكم الشكر

ج: هل الذهب مثبت بقائمة المنقولات أو هناك فواتير بذلك ؟

س: نعم توجد فاتورة مقيد بها عدد الجرامات والثمن

ج: من حقك بموجب الفاتورة إقامة دعوى استرداد

س: طب يرجع تمن الذهب اللى مكتوب فى القايمة ولا بالسعر الماشى وقت رفع الدعوى؟ علما بأن الأسعار إرتفعت أضعاف

ج: لو إلى مكتوب فى القائمة جرامات فقط يبقى ملزم يرده جرامات ولو مكتوب جرامات وفلوس يبقى ساعتها على حسب اختيار الزوج

س: طيب ما الزوجه ممكن تجيب فاتورة من اي جواهرجي معرفه

ج: ماهو حضرتك ممكن تطعن بالتزوير عادى بردو

—————–

س: طيب انا دخلت شقتى لقيت معظم حاجتى مش موجوده ووالدته اخدها يبقى مفروض يدفع ثمنها؟

ج: لو مثبتين بالقايمة اشتكى بالقائمة .. لأنه ممكن يعرضهالك

—————–

س: لو الزوجه اخدت الدهب واتهمتنى بسرقته علشان تاخد تمنه تانى اعمل ايه

ج: اطلب إحالة الدعوى للتحقيق وهات شهود بكده

—————-

س: انا عندى جلسة متجمد نفقة والصيغة التنفيذية فى البنك لانى باخد النفقة من البنك كدة المتجمد مش هاخدة علشان الصيغة التنفيذية مش معايا

ج: لازم تقدمى أصل الصيغه التنفيذية فى الدعوى.. حاولى تروحى البنك تاخديها وتكتبى إقرار انك حترديها

—————

س: طب لو القائمه من 15 سنه وقيمتها 20 الف جنيه والزوج مش عارض المنقولات وعارض قيمتها هل ف الحاله دي يتحكم ب 20 الف جنيه ولا القاضي بيحكم بالقيمه ف الوقت الحالي

ج: بالمبلغ الثابت بالقائمة

—————–

س: يعنى اى قائمه صوريه وماهى انواع القائمه وما هى درجات الحكم فيها وشكرا لحضرتك وفريق العمل 

ج: قائمة صوريه يعنى الزوج ما استلمش اصلا المنقولات إلى مكتوبه

—————–

س: طب لو الزوجه رفضت استلام العفش ودى وبعد كده رفعت قضيه وبتساوم الزوج ع فلوس والفتره دى اى حاجه من المنقولات تلفت من الركنه مثلا هل برضو بعد الحكم ع زوج ملزم يجيب حأجات جديده غير الى تلفت

ج: حسب اتجاه واقتناع القاضى

—————–

س: طيب لو انا معايا قائمه منقولات متسجل فيها كل شئ لكن مش محدده الاسعار للكل في حاجات سايباها فاضيه مش متسعره وهو ماضي عليها هل ينفع احط اسعار باقي الاشياء والا اعمل ايه

ج: ماينفعش اى إضافة بعد توقيع الزوج.. لو فيه قيمه اجماليه للقائمة يبقى خلاص مش لازم كل حاجه جمبها سعرها

——————

س: لو الدهب مكتوب جرامات ومش مكتوب سعره وسعره من سنتين غير سعره دلوقتي هرد سعره زاي ماكان من سنتين ولا

ج: ملزم برده جرامات أو بسعره الحالى 

س: طيب انا عرض الفرش وهي مش راضيه تاخده بتقوال مش بتاعي مع العلم انه مطابق للي مكتوب

ج: أطلب ندب خبير لمعاينة المنقولات

——————

س: حضرتك ينفع تصوير المنقولات وارفاقها بالقائمه واثباتها فى بند بالقائمه حتى يتم الرجوع اليها عند الطلاق؟

ج: ممكن ليه لا

——————

أسئلة هامة وأجاباتها عن كل ما يخص قائمة المنقولات الزوجية

أسئلة هامة وأجاباتها عن كل ما يخص قائمة المنقولات الزوجية

أسئلة هامة وأجاباتها عن كل ما يخص قائمة المنقولات الزوجية

أسئلة هامة وأجاباتها عن كل ما يخص قائمة المنقولات الزوجية

مؤسسة حورس للمحاماه والاستشارات القانونيه

قائمة المنقولات الزوجية ..

قائمة المنقولات تتساوى قانونيًا مع إيصال الأمانة فى مادة التجريم ودى المادة 341 من قانون العقوبات

فبتكون بمثابة أن الشخص يكتب إقرارا بأنه تسلم المنقولات ولكن على سبيل الأمانة، ويردها عينًا أو نقدًا متى طُلبت منه

– وتكون عقوبة تبديد الأمانة الحبس من 24 ساعة وحتى 3 سنوات ويجوز أن يزاد عليه غرامة لا تتجاوز مائة جنية مصري.

١ – لا يحق للزوجة الحصول على أموال نقدية بدلاً من المنقولات.

٢ – يلتزم الزوج برد قائمة المنقولات أموال فى حالة تلف المنقولات أو صعب ردها بحالتها.

٣ – فى حالة ضياع أو تلف شئ من قائمة المنقولات على الزوج رد قيمة الشىء المفقود ماليًا.

٤ – إذا فُقِدَ منقول من القائمة ولم تكن قيمته المالية مسجله يتم انتداب خبير لتحديد قيمة المنقول المفقود.

٥ – لا يحق للزوج رد منقولات غير التى تسلمها

(المثبته بقائمة المنقولات).

٦ – يجوز للزوجة إقامة دعوى ضد زوجها بتبديد قائمة المنقولات الزوجية، سواء إذا كانت العلاقة الزوجية قائمة أو منفصلين واي ان كان نوع الطلاق.

٧ – طب ازاى تتصرف الزوجة فى حالة رد الزوج منقولات غير التى الزوج استملها ؟

بالامتناع عن استلامها وندب أحد الخبراء لمعاينة المنقولات وعليها أن تثبت صحة موقفها.

٨ – طب ازاى بتستلم المنقولات ؟

أسئلة هامة وأجاباتها عن كل ما يخص قائمة المنقولات الزوجية

أسئلة هامة وأجاباتها عن كل ما يخص قائمة المنقولات الزوجية

بتقوم المحكمة بتمكين الزوج من عرض المنقولات عرضًا قانونيًا وبيحدد القاضى المكان والزمان أمام أحد أقسام الشرطة، ويُحضر الزوج منقولات الزوجية ويسلمها للزوجة، ويحرر محضر بإثبات الحالة بعد معاينة الشرطة للمنقولات وإقرار الزوجة بالاستلام، وحينها تقضى المحكمة بانقضاء الدعوى الجنائية .

٩ – و قد تعترض الزوجة على استلام المنقولات فى حالة أن بها إتلاف ونقص فى محتوياتها، وترفض الاستلام هنا للمحكمة إنها تدى الزوج فرصة لاستكمال الناقص من المنقولات وتغيير التالف .

خد بالك

١٠ – تتعسف بعض الزوجات أحيانًا، وتدعى أن المنقولات غير مطابقة لمنقولاتها، أو بها تلفيات وده على خلاف الحقيقة وترفض استلامها

هنا يمكن للقاضى إعطاؤها فرصة أخرى للاستلام وفى حالة إصرار الزوجة على الرفض تبرئ المحكمة الزوج بسبب تعسف الزوجة

و خد بالك كمان  أنه من حق القاضى ندب خبير لبيان مطابقة المنقولات من عدمه والاستماع للشهود، فى حالة إدعاء الزوجة أن الزوج قام بتبديل منقولاتها بأخرى.