رباعيات الأحزان (( مش عدالة ))
( للحزن في قلبي مكان )
مش عدالة أنك تغيبي
والفراق بيزيد لهيبي
والحياه في بعدك مافيش
آي شئ بعدك ماليش
ملتقيش غير حضني دافئ
قلب طيب حنون وصافي
يا حبيبتي حسي بيا
الغرام يسكن عنيا
مش عدالة أنك تغيبي
والفراق بيزيد لهيبي
وفي الحياه بعدك ماليش
في الفراق ازاي أعيش
يا ليالي الشوق يا قلبي
انتي أقرب ليه مني
قلبي كان عشقك يادوب
والغرام دوبني دوب
أنتي روحي أنتي عمري
أنتي أغلي شئ فضلي
يا أبتسامة على الشفايف
قلبي عاشق قلبي خايف
غيبي روحي معاكي روحي
جوه مني ما أنتي روحي
يا حياه بكل الحياه
عشق أخدني لمنتها
يا حبيبتي يا بلادي
مصر أنتي روح فؤادي
عشق باين في الملامح
مصر قلب كبير مسامح
مصر ام الكون بحاله
مصر نور حسنه وجماله
يا حبيبتي يا بلادي
مصر أنتي روح فؤادي
كلمات الصدق
فارس الليل الحزين
محمد عطية محمد
