علِموك . بقلم \ أحمد شاهين
علِموك تبقالى جرح
بعد ما كنت إنت فرح
ضحكتك بتزيل أسايا
كان ما بينا عيش وملح
والغصون مليانه طرح
وإنتهت أجمل حكايه
فرقونا بمكرههم
عذبونا بكرههم
وصلونا للنهايه
علِموك تبقالى جرح
أيوه ندمان ع إللى كان
مش هقول غدر الزمان
ما الحقيقه واضحه خالص
كنا عايشين وف أمان
كل واحد فينا صان
حُبنا كان حُب خالص
فرقونا بمكرههم
عذبونا بكرههم
وصلونا للنهايه
علِموك تبقالى جرح
الندم هيفيد بأيه ؟
ولا كلمة.لو . وليه ؟
ذكرياتنا بتعاتبنا
كان جرالنا بس أيه ؟
والزعل . مقدور عليه
ليه الفراق كان من نصيبنا
فرقونا بمكرههم
عذبونا بكرههم
وصلونا للنهايه
علِموك تبقالى جرح
كلمات \ أحمد شاهين
