الناس مظاهر
الناس مظاهر
فيه اللى مكنون
في الصدور
وفيه اللى ظاهر
اياك تغرك تعابير
الوشوش
ولا الكلام المعسول
ولا المناظر
وقبل ما تحكم
على شيء أعرف
مخبره
قبل مظهره وحاذر
وخلي بالك
من اللي يقابلك
بالأحضان
وهو بالشر لك ضامر
حلو اللسان
شين الخصال
سىيء المخبر
لكن بالحب يتظاهر
وفيه فقير
لكن عزيز النفس
عفيف اليد
وقلبه بالرضا عامر
وفيه غني
مهما اغتنى لابيشبع
ولا بيقنع
ولا حامد ولاشاكر
واياك
في يوم تنساب
أو تصاحب محدث
النعمه وتعاشر
لما بتناسب
أعرف انك بتختار
اخوال وجدود
لأولادك حاذر
حلو الجمال
لكن الاجمل الطبع
بنت الاصول
أحلى وتتعاشر
الطبع غلاب
عمره فى يوم
مايتغير أياك تخدع
نفسك وتغامر
ضحك الوشوش
مش معناه فرح
ربك وحده
بالنفوس خابر
وحط نفسك
مكان الناس قبل
الحكم عليهم
لأجل تكون عاذر
دنيا غروره
الناس فيها بتتلون
فيها الجميع
بيمثل ويتظاهر
شاعر العامية / عبد المنعم حمدي رضوان
