لحظة شروق
========
اهل الهوا كتبوا على الجدران
ورسموا على الشجر قلب وسهم كمان
ونسخوا ع الناحيتين حرفين باساميهم
ونسيوا ليه للحبيب يكتبوا العنوان
عدي الزمان وجرى من بين ليالينا
وبقينا من لهفنا نسبق خطاوينا
يا هل ترى الإنسان مكتبو له دي الحيرة
يوم نلتقي الذكرى تهرب معانينا
وتعود مع اللي فات تفاصيل ما كان بيننا
لحظة من الذكريات اخر ميعاد لينا
كان ليه سبب هجرنا والبعد يحرمنا
وترد بيننا السنين وازاي تبدلنا
وازاي في لحظة نسينا كل تفاصيلنا
ويبقى من الذكريات مكتوب ع الجدران
مرسومة بين الشجر قلب وسهم كمان
ناسخين على الناحيتين حرفين باسامينا
من غير ما نكتب نقول كان فين عناويننا
تفضل من الذكرى كلمة تفكرنا
الحب كلمة تلملم الاحباب بشوق
وتخللي حلمك كل يوم يطلع لفوق
لو تقدروا تملوا سمانا شموس
كانت حياتنا يا ناس في كل لحظة شروق
مع تحياتي
الشاعر بهجت انور جابر
