@ دم بارد @
ذبحت بسكين تلم بدم بارد قلب حجر وعقل شارد
مات القتيل ماشي في جنازتة يضحك وكان قاصد
يابشر عايشة فوق الارض فيه كدا ولا أنا لوحدى اللي معاند
طيب أسمعوا الحكاية وكل منا للحق ياريت نكون قاصد
الظلم سواد والحق أبيض ناصع طار في السماء جناحه فارد
البداية خصام وهجر وجدل مالوش أخر نداهم الحب عامد
قالت كلمة قالها ايه قالت خلي السلاح في الجراب غامد
تعالي نعمل هدنة ناخد نفسنا علي بعض نحاسب ما يدخل بينا حاسد
تمام الحال مع بعض أجمل اللحظات غرام وهيام وضحك قول ياباسط
دار الحوار قالها متي اللقي قالت وليه خلينا كدا بلاش للزعل نعاود
طب ازاي وايه المانع قالت أخاف من الناس يقولوا كلمه عليا قاصد
حتي لو قابلتك صدفة بلاش تسلم عليا عنك راح اغمض عينيه لوداني سادد
عايز ايه اكتر من كدا أنا معاك ليل ونهار ليه توجع في قلبك وفيا تناهد
حبنا علي الورق بكفاية عليك ليه تحارب وتجاهد
خليك مكانك وأنا مكاني اسمع مني اوعاك تعارض
يابشر ساكنة فوق الارض هل يعقل هذا الكلام لكل إنسان أنا بناشد
احكم بالحق يامن أنت لرب الكون عابد
فين العقل اللي يصدق هذا الكلام الا اذا كان ميت هامد
أرد اقول ايه انا لما الكلام يهزني وممكن يكون للروح قابض
الحل لكل كلام رد بكلام عليه لا تعارضني ولا أعارض
حلوة الحياة كدا بس أستحمل وجع القلوب قبل ما تكون في التراب راقد
أنا موافق حب ع الورق ننحر في بعض وخلي دمنا بارد
راضي السقا
