كبيره يا مصر

*   *   *   *   *   *   *   *   *   *

كبيره يامصر طول عمرك

وأم الدنيا والعالم

عظيمه با بلدى مينةقدك

شبابك أذهلوا العالم

شباب ثائر عمل ثوره

وجيش كان حامى للثوره

وقائد قال بعلو الصوت

لو المصرى يخاف واحنا

معاه مانحس بالمحنه

يكون أحسن لنا إحنا

ناخد روحنا ونمشى نموت

وقال الكلمه ولا خافشى

وقال المصرى مايخافشى

وكل مصرى بعيش ف أمان

عيون الجيش مابتنمشى

كبرنا يامصر من خيرك

شربنا يا مصر من نيلك

وعهد الله يامين بالله

مانعيش ولا تبقلنا حياه

لو حد بس فى يوم نلقاه

يختر في باله إن يهينك

دا لو المصرى يخاف واحنا

معاه مانحس بالمحنه

يكون أحسن لنا إحنا

ناخد روحنا ونمشى نموت

*   *   *   *   *   *   *   *   *

كبيره يامصر

كلمات/ الشاعر ابراهيم محمد