إللي فاضل من حبيبتي

..........
دا إللي فاضل
من حبيبتي ..
من كتير
من حاجات ..
م الصعب تبقى
في حد تاني
دمعة ..أوتنهيدة
طالعة
ولاشمعة بتنطفي ..
عمرها يمكن ثواني
ليل طويل ..
مشغول بجرح 
فرح غايب ..
قلب دايب 
حلم ضايع ..
خوف متوه 
قلبها في عالم
كبير 
حزن بيعلم
عليها ..
وإبتدا في قصة
عذابها ..
يكتب السطر 
الأخير
كنت أغير ..
لوحد غيري
حسها ..
حبها ..سلم
عليها ..
باس إيديها 
إتولد من تاني
لما ..
داب محبة
وزاد حنين
..........
دا إللي فاضل
من حبيبتي ..
كلمتين ..نظرتين
الحزن بابهم 
طال عذابهم ..
توهوني 
سكتوني ..
ليه نسيت أعمل
حسابهم ..
ليه نسيت أعمل 
حسابهم ..
ليه نسيت أعمل
حسابهم 
..........
ليه ياأمي .. ليه يابلدي..مابقاش فاضل منك غير تنهيدة ونظرتين..وفرح غايب..وقلب دايب..وحلم ضايع..ليه ياأمي؟ ليه..ليه

محمدعبدالرحيم