المصدر: كلام من رصاص ما تيجى نحلم ... ماتيجى نحلم ويمكن ربك يعدلها يجينا اليوم وتتحقق كل احلامنا سبحانه قادر يبدلها ويعدلها نعدى الصعب ويبقى قرارنا جوانا وخيرنا برضه جوانا ما نستنى وزير يوجهنا ولا تاشيرة لمجلس شعب عاوزين خيرنا بضميرنا يكون مالقلب ماتيجى نحلم نخضر رمل صحارينا ما تيجى نحلم مية امل لينا ما تيجى نحلم ناخد من الماضى عبر ودروس ما تيجى نحلم سواقى تدور ومصانع مكن وتروس ما تيجى نتفق عالحلم ومحدش يقول لاء لان احلامنا غلبانه لاهى برشوة ولا بفلوس بس عشان احلامنا تتحقق ندى للضمير زقه ويمكن احلامنا تتحقق لان ربك عظيم وكبير ولو خيرك من صميم قلبك وتفرش عالتراب حبك ح ينبت وتظهر كل ازهارة واشجارة يهل الطير وتبقى رئيس عملك وضميرك وبرضه وزير ما تيجى نحلم نداوى كل الامك ويجى الخير