جدي من العرق الاحمر
 

ندى امين الاعور

طل عليي جدي اليوم
خبرني حكاية هالكون
جدي من العرق الاحمر
بالغيمة جدي بيظهر
قصة بيت العنكبوت
بنا نعرف حتى نفوت
الام الارض بتجمعنا
منتنفس بموقعنا
ورقة شجرة او عصفور
فراشة زغيرة او دبور
غضنفر ارنب او سعدان
نملة نحلة او انسان
كل واحد منا خيط زغير
مجدول مع خيو الكبير
بشرق الارض او غربا
مع خيك بدك تبقى
بشمالا او بجنوبا
الحياة بتعرف مطلوبا
لا تحتل ولا تقتل
خلقت بأرضك ما تنقل
حسن حالة ارض الام
ما تسيبا وترحل وتنم
جدي ارضو احتلوها
وقالو انو اكتشفوها
افتكروا الله مباركهن
جرصة كبيرة حكايتهن
قتلوا الشعب وسرقوا الدار
القصة قصة استعمار
قصوا الغابة شردوا صحابي
قرضوا جناس الحيوانات
قحطوا الارض من النباتات
هيكي قتلولي جدي
لكن من مدة لمدة
بيطل وبيسليني
عن هالكون بيحكيني
بيعرفني من احفادو
بيضا ومن عز ولادو
انا من الجنس البشري
ما بأذي كائن حشري
هوي متلي خيط زغير
بالحياة دوره كبير
عبالك جدي يزورك
تحكيلو عن امورك
لونك ابيض او اسود
ارض الأم لازم تعبد
لونك اصفر او احمر
عن ارض الام لا ترحل
عنا مثل بلبنان
كاين دارج من زمان
اللي عنده مرقد عنزة
بلا ما يبيعا يبيع كنزة
مشتغلها بدياتو
وهوي يغزل صوفاتو

 

 

 

المصدر: جدي من العرق الأحمر: شعر بالعامية بقلم ندى أمين الأعور
  • Currently 0/5 Stars.
  • 1 2 3 4 5
0 تصويتات / 438 مشاهدة
نشرت فى 6 سبتمبر 2015 بواسطة Nadamine

ند ى أمين الاعور

Nadamine
Nada Amine Awar Mosaitbeh, Donnawi Street, Azar Bldg., 7th Floor Beirut, Lebanon Phone: +961 76715513 Email: [email protected] Name Nada Amine Awar Birth date 4- 1- 1957 Sex Female Marital status Single Nationality Lebanese EDUCATION October, 2018 Udemy, Michael Dale instructor, online course, Laughter Yoga, Completion Certificate. September, 2018 Udemy, Marco »

ابحث

تسجيل الدخول

عدد زيارات الموقع

142,990