منجم المدينة
ندى أمين الاعور
اللبناني بالشارع
غاضب دولابو والع
عم يتنشّق ويصرّخ
زبالة وعمّا بتفرّخ
بيستهلك على الموضة
زبالة بتعبّي الاوضة
من الاوضة على الطرقات
زبالاتك خوذ وهات
ثم على المطامر
تبيتك يبقى عامر
ترجع تستهلك وتكب
تطالب بزودة وتسب
طائفية نظامك
زبالة صارت قدامك
امرا الطوايف علقو
فلقوك وهني ما انفلقوا
فلوسك بدهن تيعبوا
وزبالاتك بيخبوا
بالمطمر بيكبوها
والتربة بيلوثوها
الزبالة منجم المدينة
فرزها بتصير امينة
اعادة التدوير
بتحميك من التعتير
مصانع بتشغلها
فلوس كتيرة بتعملها
