<!--<!--<!--<!--
هُدهُد سليمان
"إِنَّ الْمُلُوكَ إِذَا دَخَلُوا قَرْيَةً " .. أَفْسَدُوهَا
واذا دخلوا المصارف .. أفلوسها
وأذا دخلوا بيوتنا عبر جوجل .. فتشوها
فلا هُدهُد سليمان الحكيم كان عسس
ولا بلقيس هاتجرى فى الدروب
تبحث عن شركة النقل اللى نقلت عرشها
من غير ماتعرف
ولما جت وقفت .. بصت عليه بطرف عينها
ولم تكترث
قالت لهم وهيه فى حضرة ملك
هذا الذى أخذتموه
عرش دمياطى مقلد فى المناصرة
بدون حرس .. " وكأنه هو"
ياه على الثبات الإنفعالى
" إِنَّ كَيْدَهنَّ عَظِيمٌ "
علشان كدا خفضت الثوب الطويل الشفتشى
لايمكن الثوب يترفع عن الكعوب المرمرية
لو حتى ع الزئبق فرس
الجن من هول المفاجأة
تعرفت وأتخرس
لأنهم "لَّوْ كَانُوا يَعْلَمُونَ الْغَيْبَ مَا لَبِثُوا "
أو وقعوا .. فى فك الكمين المفترس
ياما نصحتك قولت لك
لازم تكون واعى وحويط
ومن الحاجات دى .. تحترس
علشان متباقش
زى حكاية القط اللى فى كتاب المطالعة
والفيران خلوه
يحط فى رقابتة الجرس
