<!--<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; text-align:right; line-height:115%; mso-pagination:widow-orphan; font-size:11.0pt; font-family:"Calibri",sans-serif;} </style> <![endif]-->
حكاية إلاه
هل انت ناوي تكون إلاه
ودفعت عربون اللقب
للعابدين الراقدين الساجدين
للفلس لما يرتعش بشوق ونار
للراكعين على الدينار
علشان محدش يخطفه
قالوا زمان
ف بلدنا حكمة إتنفذت
اللي ما إيده في مقطفه
هايجي واحد يلهفه
وينضفه.. ويشطفه..ويعصره
ويجي قصاب يجزره
ويغلفه.. ويعلقه.. ويفرمه
ويحطه تحت الساجدين الراكعين العابدين
فيدعوا ليه
ويقولوا إنه صحيح إلاه واعي وكريم
ويجي له ملكه الأمين يلاقي عينه مدمعة
بسبب البصل إللي بإيده مقطعة
مع فلفل أسمر ويا ملح ومستكة
وقاله كمل نعمتي ع المحتاجين
وبعد ما يصيبهم شبع
هاتهم هنا متوضيين باللي هايبقى من المرق
الواد سرق .. قصدى الإلاه
حبة بخور م العطارين وحرق عليهم لحيته
فولعت اللام وحدها واللي فضل أربع حروف
ح .. ي .. ت .. هـ
بأيدها الشمال
وقالتله هاتلي لحمتي
أعطاها حتة مشغتة
بصت لها بعين الخبير
وقالتله سرك جوا بير
لكنها فتنت عليه وقالتلهم ع اللي حصل
فأتوضوا بالمرق المقدس وانحنوا لعرش الملك
كان تحته فتة وعيش طري
إتسحب اللص الظريف سرق رغيف
بركة إلاهه المفتري
شافه المَلك
الواد عرف إنه هَلك
قام غمزه بسجق استخبى ف الرغيف
ضحك الملاك من فرحته
وباس إيدين لص الرغيف
قدام جميع الجائعين
اللي انحنوا امام الدينار
ولما شافوا اللي حصل
آدوا فروض الطاعة للص الظريف
وشهدوا إنه صحيح إلاه
إيده بتتلف في حرير
وقف اللإه الأولاني وقالهم
عليكوا غضبي ولعنتي
حرمتكوا من فتتي
ياما سرقت عشان تعيشوا شبعانين
ودمي له أصل ونسب
يا ما ركعتوا لطلعتي
وسجدتوا لحروف كلمتي
قالوله إزاي نعبدك
وإحنا لقينا اللي بيعرف يسرقك
ويفرقك ع الجائعين
الراكعين الساجدين
م الجوع أمامك يا غبي
نسبت نفسك لل.......
لو كنت ناوي تكون إلاه
إدفع لنا عربون لقب ودمغتين
وإحنا نكون موجه وبحر من النفاق
إخنف وقال محلي العناق
والغمز من خلفك مطر
خايفين وحاسين بالخطر من طلعتك
أه يا مقدس لو تموت وندفنك
ونيجي يوميا على القبر العظيم
ونرجمك
