<!--<!--<!--<!--
ولاد التيت
" أنا بحب الغرب وبموت فى أخلاقهم
هما كدا حلوين .. ربك كِدا خلقهم
لو شفتهم ماشيين معطرين حلوين
بالفُل والياسمين كأنهم نازلين
من السما طايرين من قلب منشأهم
فى ضهرهم جناحين .. ووشهم قمرين
لو حبتك مادلين تاخدك بهم وتطير
ف عش حلو وثير مفيش هنا محاذير
دايبين فى من شاءهم
سبحانه من خلا ليهم يقات بيضا ودمهم أزرق
والنورعلى خِلقهم
قلوبهم اللينة خضرة كباب اللوق
رق الحبيب وأنتَ نايم ف قصر الشوق
اصل الأدب نابع منهم فى قلب الزوق
مايقبلوش الظلم
لما الفتى الحلبى زعل من المحتل
خافوا عليه مننا رفضوا يسيبوه لينا
نحاكمة بقانوننا
خافوا عليه ليموت من حبلنا مشنوق
هُما الأدب والزوق والحق والمحقوق
شوفتم ولاد الإيه
بعد ماحرقوا إيديه
حاكموه وكان عدلهم
انه يموت بخازوق
ياليل ياعين ياليل مواولينا كلها ويل
ضربوا البيوت بالمدافع والناس ف عز الليل
بونبرات هدم المساجد
دخل رواق الأزهر.. هو وجنوده
وهما راكبين خيل
علشان يخلونا
نعرف حِكم سارتر ونقولها فى المواويل
ونصون حقوق الناس ونصون حقوقو الجان
والرفق بالحيوان ونعرف الاتيكيت
يزوروا تاريخنا وينهبوا أثارنا
ويسرقوا المساخيط
انجلترا الباردة واقفة على المسرح
بتحرك الماريونيت
جولنا ولاد التيت .. لحد باب البيت
" بس خلاص"
"كتبت عام 2023"
