الليلة دي

الليلة دي عيد ميلادي
قلبي ع الاحباب ينادي
يا اللي قلتي يا حبيبي
((لك حبـــي و فؤادي))
* * *
الليلة دي قلبي رايق
يالا نفرح لو دقايق
صدقيني الحب كدبة
احلي من كل الحقايق
* * *
الليلة دي نفسي اشوفك
و اشرب المية ف كفوفك
و ارتعش من برد عمري
و ادفا من لحظه كسوفك
* * *
الليلة دي نفسي اقابلك
و انسي كل الدنيا قبلك
و القي فرح الحب كله
انكتب لي و انكتب لك
* * *
ليلة واحده فرحيني
و ابدري الشوق تطرحيني
ليه يا دنيا باسقي وردك
و انتي بالشوك تجريني ؟!