المقال دة ممكن يزعل ناس كتير انا شخصياً بقدرهم

وبحترمهم جدا جدا مهندسين واطباء .

ولكن دعونا نتعلم وحتى ولو لم يفعل المشرف الخاص

بالمزرعة هذة الخطوات .

وطبعا ان لم ينفذ المشرف هذة الخطوات فلا تقلل من شأنة

ودورة ومجهودة .

فلة كل التقدير والاحترام طالما سيتعامل معك بما يرضى الله .

ولكن هذا المقال ما هو الا استرشادى لك انت كمربى

وكمشرف وخصوصا الى افاضل من الاطباء البيطرين .

فأنا لى معهم بااااااع طويل وقصة لن انسها طيلة حياتى 

وخسارة فادحة كانا اثنين من الاطباء سبب فيها .

ولكن الان هما من اعز اصدقائى .

والان مع مقالنا هذا وانتبه وانت تقرأ واضغ لكل كلمة وحرف .

تابع كل جديد فى عالم الدواجن ‏ملتقى مربى الدواجن فى العالم العربى

اخى المربى

لما يجيلك مشرف سواء مهندس او دكتور يفحص مزرعتك فى اى حالة مرضية .

حنقولك على شوية حاجات لو لقيتة بيعملها يبقى

الرجل دة حقلى او متعود على شغل المزارع و لو

لقيتة مقصر فيها يبقى انت ونصيبك معاة وربنا يسترها

علينا وعليك .

اولا

 اذا لقيتة بيسئلك فين المطهر اللى هحط رجلى فية وينتظر لغاية لما تتصرف علشان يعقم رجلة فدا رجل حقلى وعلمى درجة اولى .

ثانياً

اذا لقيتة ماشى فى العنبر من جنب الجدار مش من

وسط العنبر تعرف ان حقلى درجة اولى .

ثالثاً

 اذا لقيتة بيوطى علشان يشوف الزرق ويمسك اى عصاية او قطعة نشارة كبيرة وبيفتت الزرق خاصة الزرق السايل تعرف ان حقلى درجة اولى .

رابعاً

 اذا لقيتة بيمسك طير معين مش اى طير وبيلف جناحة للخلف ورجلة لورا وبيحط صدر الطير على اذنة تعرف انة حقلى درجة اولى .

خامساً

 اذا اعطيتة مثلا نافق 10 وفتح منهم اقل حاجة 8 من ال10 تعرف انة حقلى درجة اولى واوعى تفكر انة ممكن من اول طير يعرف الباقى .

سادساً

اذا لقيتة بيحط المية على طرف لسانة او بيفتت العلف

على ايدة وبيفركة اثناء الزيارة دا معناة ان الرجل دا

فناااااااااااااااااااان تشخيص حقلى .

سابعاً

اذا لقيتة بيحاول يقعد قعدة القرفصاء علشان رأسة تكون فى مستوى راس الطيور ومركز فى الافق دة يبقى دة رجل حقلى .

ثامناً

اذا لم يسب او يشتم فى زميلة اللى شخص قبلة بل اخذ منة الحالة المرضية كاملة بالادوية السابقة
فالراجل دة خلوق جدا وعاوز يصلح الاخطاء وخلاص وايضا رجل حقلى .

تاسعاً

اذا بعد الزيارة الحقلية اخذ عينة ميتة واخرى حية واخدها معملة فالرجل دة جدير بالاحترام .

اللهم اجعل عملنا هذا خالص لوجهك الكريم

==========================

وطبعا حيطلع واحد عاوز يفهم زى حلاتى هو لية بيقعد قاعدة القرفصاء 

ولية بيفتت العلف 

ولية بيذوق المية 

ولية 

ولية 

بكل بساطة ادخل على الحساب دة 

مهندس عاطف عبد الدايم 

واسألة 

او على الجروب دة وانت تعرف كتيييييير 

‏ملتقى مربى الدواجن فى العالم العربى

ومتنساش تعمل لايك وشير 
وبالمرة لايك وشير 
لـ

آل سلام لتعبئه المواد الغذائيه ودواجن التسمين‏ 

جميع الحقوق محفوظة لصفحة 

آل سلام لتعبئه المواد الغذائيه ودواجن التسمين‏ 

ولموقع 

الدواجن الم وامل - الـدواجــن آلـم و أمـل

يسمح بتداول النشر ولكن بشرط ذكر المصدر