مصر تمر هذة الايام بموجة حر شديدة هناك الكثير والكثير من صغار المربين
ليست متاحة لديهم امكانيات التبريد المطلوبة لتربية الدواجن فى الحرارة المرتفعة
ولقلة هذة الامكانيات او ضعفها فكان هذا المقال عن الاحتباس الحرارى بين
خسائرة وحلول سريعة وناجحة بفضل الله .
المقال للمهندس/ عاطف عبدالدايم
المقال تجميع وتنسيق صفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
اى مرض يصيب قطيع بيتمكن منة جدا
وقطيع اخر بيجى نفس المرض ياخد كمية بسيطة ويعدى
او مزرعة متاثرة جامد ومزرعة تانية تأثرها اقل
طبعا كتير مننا بيلجا للادوية اعتقاد منة انها الحامى او اللى هتنجية من الازمة دى .
طيب مسألتش
نفسك لو الفرخ مناعتة كويسة او حالة الجهاز المناعى كويسة
واصيب بمرض اكيد هيكون الطير اللى معتنى بية مناعيا دا مش زى غيرة .
** الاجهاد الحرارى
التعرض لاى اجهاد حرارى اى حرارة اعلى من مقدرة الطير بتعمل على
زيادة هرمون الكورتيكوسترون اللى بتهبط جدا من تكوين المناعة الخلوية
الاجسام المناعية
بينتج بروتين مخصوص لمحاولة التكيف مع الحرارة دى بس بكل اسف
البروتين دا بيعطل الخلايا الالتهامية ( اللى بتخلى الجسم يقاوم لوحدة )
البروتين دا اسمة(heat shock protein)
- اكثر حاجة تخلى الجسم مستقبل لاى مرض بسهولة هى ان الاجهاد
الحرارة دا بيحرر جدا اى شقوق حرة من الخلايا ودا بياكسد جميع الخلايا
المناعية
- كمان الاجهاد الحرارى بيقلل استهلاك العلف
فهل انت متخيل ان الخلايا المناعية اللى هى اصلا بروتين لما الطيرمش
يستهلك كميتة اليومية فهل سيكون فية خلايا مناعية اصلا ؟؟؟؟
طيب تخيل حضرتك كل دا بيحصل فى الطير بتاعك لو اتعرض لاى حرارة
زيادة عن طاقتة فهل انت منتظر منة مناعة او تحصية تجيب فايدة او اى
دواء ؟؟؟؟
يجيب نتيجة فى ظل دمار الخلايا المناعية دى
بعد ما عرفنا ان الاجهاد الحرارى ضار بالمناعة
اعراضة اية ؟؟؟؟؟؟؟؟
انا مش هتكلم من كتب انا هقول اللى شفتة فى دورات الحر ايام ما كنت
بشتغل فى مزارع غير مجهزة
اهم عرض تشريحى هو
- انفجارات فى شريان واوردة مناطق الجسم المختلفة فهتلاقى الجسم من
برة زى المطبوخ
- هتلاقى كتل دموية موجودة على القلب او فى التجويف البطنى
- هتلاقى انزفة تحت جلد المخ ودا مميز جدا للصدمة الحرراية
- هتلاقى القلب اكبر من جحمة وبردة الكبد لانهم بيحاولو ياخدو اكبر كمية
اوكسجين من الدم بحجمهم بيزيد
طيب الاعراض اللى بتشوفها فى قطيع معرض لاجهاد حرارى
اول حاجة ان اكبر الاوزان او الديوك بالذات اللى بتفرفر معاك من الموت
الجناح بعيد عن الجسم والطير بيلهث بشدة
نايم على بطنة مستحيل يعرف يتحرك
زيادة الاسهال البنى جدا ومن الصعب تلاقى اسهال ابيض فى اى حالة اجهاد
حرارى الا فى حالتين اما فية مرض تانى او ان نظام المية عندك غلط
والفرخ مش قادر ياخد كميتة من المية ودى تعتبر بلوى لحدها
طيب الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل الناس عارفة اية المركبات اللى بتقلل من الاجهاد الحرارة
زى البيكربونات الصوديوم
كرويد البوتاسيوم
فيتامين ج
سالسيليك ايد او الريفو
دول قلناهم فى بوستات قبل كدا
استعملهم عادى
ورش المية على الطير وثلج فى المية بردة الكل عارفهم
اما 3 حاجات خاصين بيا انا مجربهم وبيقللو النافق بتاع الاجهاد الحرارى
الى اعلى من 90% يعنى لو هيموت 100 مش هيتعدى 10 بامر الله
اولهم
شيل نص السبلة وخلى الطير ينام على الارضية
مجرد ما تعملها هتلاقى تاثيرها تاثير السحر على الطير المجهد
ثانيهم
جهز جزم برسيم اخضر للموقف دى وانشرها على الفرشة
هتلاقى ليها تاثير السحر
الثالثة
استعمل العرق سوس قبل حدوث الاجهاد الحرارى بساعات
ما بالك لو عملت ال3 حاجات دول مع بعض
وكمان عملت اللى الناس بتوصى بية من مركبات وثلح ورش مية
بامر الله مش هيكون فية اى نافق بسبب الحر
المقال تجميع وتنسيق صفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
جميع الحقوق محفوظة لصفحة آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
يسمح بتداول النشر ولكن بشرط ذكر
المصدر http://kenanaonline.com/mas2008
