جميع الحقوق محفوظة لصفحة آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
يسمح بتداول النشر ولكن بشرط ذكر
المصدر
http://kenanaonline.com/mas2008
============================
<!--
<!--<!--<!--
من المعروف ان دورة التسمين قصيرة جدا يعنى ممكن تتحسب بالساعات
يعنى نضرب 40 * 24= 960 ساعة
معنى كدا انى كل ساعة على الطير لابد من استغلالها استغلال امثل
طيب هنا هنقول نقطة معينة
الا وهى اوقات النشاط والخمول فى يوم الطير
يعنى كل طير لو اوقات نشاط زى العصر والساعة 10 مساة والساعة 4 فجرا والساعة 10 ص وبعد طلوع الشمس بشوية
الاوقات دى الطير بطبيعة الحال بيقوم ياكل ويشرب
طيب فية اوقات خمول يعنى الطير هتلاقية نايم ومتمدد على الفرضة ومش عاوز ياكل دى بنسميها اوقات خمول
طبعا اوقات الخمول والنشاط ثابتة بس ممكن تختلف من مكان الى اخر بس الاختلاف هيكون دقائق معدودة
طيب لية بنقول الكلام دا
علشان لو سيبنا الطير ياكل فى اوقات النشاط بس الدورة هتطول معانا
علشان كدا لازم نعمل احنا يقظة او فترة نشاط صناعى
طيب الكيفية ازاى
** اننا نمشى جانب الجدار من كلا الجانبين علشان الطير يقوم وياكل
دى عن الكيفية
طيب التوقيت ازاى
* التوقيت طبعا لو جيت عند اوقات النشاط وهتقومهم يبقى انت خسرت مجهود على الفاضى
ولو جيت تقومهم عند اول اوقات الخمول بردة مش هتستفيد حاجة لان الطير هينام تانى
طيب الحل
الحل اننا كل ساعتين الى 3 ساعات همشى جانب الجدار علشان اقومهم
لاكن هختار اوقات بعد الخمول بساعة مثلا
طبعا كل واحد قاعد وسط قطيعة عارف امتى الخمول وامتى اليقظة
بكدا ممكن تستغل كل ساعة من حياة الطير وتقصر الدورة عندك
بس دايما تراعى ان تسيب فرصة للطير يهضم يعنى بعد كل فترة يقظة سيبلة ساعة او بعد لفة جانب الجدار سيبلة ساعة بعدها
تخيل ان كل دا ممكن ميتعملش وفية حاجة واحدة بس تقوم بالدور كلة
الا وهى برنامج الاضاءة
يعنى لو عملت برنامج متقطع على مدار اليوم هو اللى هيقوملك الطير من غير تدخل منك
فية بعض الناس بتعمل الاتنين برنامج اضاءة وكمان بتعمل يقظة صناعية
ودى بردة خليها بعد اضاءة النور ب2 ساعة .
م/ عاطف عبدالدايم
جميع الحقوق محفوظة لصفحة آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
يسمح بتداول النشر ولكن بشرط ذكر
المصدر
http://kenanaonline.com/mas2008
