...  صرخة القدس....

طال البعد ياقدس واحترقت الآهات 

ومن بعد غفوة الوطن فيأ جراحاته 

50 عام الظلم فارش على التلات 

حقد وعداوة وأسى بقوة معداته 

50 عام السلب والنهب للخيرات 

وبعدو العرب ماعندو غير دمعاته 

واليوم طفل القدس لما المحامي مات 

ولما الوفا والكرم والتضحية ماتو 

عاف الطفولة وكتب بالدم والدمعات 

عهد الشهادة وهب للأرض دماته 

معلوم لما الطفل بشوف دبابات 

عم تهدم البيت ع أهله وع أخواته 

ولما بشوف العرب أراء وحكايات 

طرشان مافي حدا سمعان صرخاته 

بهب هبة بطل أقوى من الهجمات 

ليرد كيد العدو ويصد هجماته 

وين الصدق ياعرب لما القدس بالذات

بالدم بلون العدوان راياته 

شجب وإدانة شو بتساوي مع الآلات 

والبعض خايف اذا بتقطع علاقاته 

والبعض بأيد ورسمالهم كلمات

وطفل القدس بالغنى عن كذب كلماته 

وطفلة ماعمرا شهربتموت بالغازات 

ياريتهم قبلها لما بيشعرو ماتو

يعني شوعم ننتظر اكتر بعد غارات

الأقصى جريح وماعم نسمع مناجاته 

300 مليون لو بوحدو الهمات 

ماكان ناتنياهو ورثنا معاناه 

ولاكان بالغرب مرفوعة لهم رايات 

ولاكان مجلس أمن زيف عباراته 

ولاكان دب القطب بكثف الدعوات 

ولاكان شرم الشيخ صدقت مناماته 

قومو الحدود افتحو بعده الوقت مافات 

وهبو لنصرة شعب عالكف دماته 

لاتوقفو موقف الخيفان بالساحات 

يابتنصرو الأقصى وشعب مظلوم

ويا الغرب ع العرب بصب ويلاته

الأقصى نادى أخواته      وسمع العالم صيحاته 

وين النخوة بالإسلام        يرد الغدر وهجماته 

نادى الأقصى وين الناس     اللي بالأقصى بيتكنو 

يردو عن قدس الأقداس      الهجمة وشو عم يستنو 

محمود وأحمد والياس         بموقف إخلاص تبنو 

يردو النخوة والإحساس       ويمحو الغدر وقواته