يعنى ايه كلمة بحبك .

.هى فعلا كلمة ولا حروف اتجمعت بالصدفه

ولا مجرد احساس عابر داخل قلوبنا ولا مشاعر مكنونة ساكنه روحنا

يعنى ايه كلمة بحبك

هى حياة جميله تانية ولا كلمة من غير اى معنى ولا حاله خاصه
بتخطفنا لدنيا اجمل ..

يعنى ايه كلمة بحبك

هى روح ساكنة روحنا ولا حروف اتكونت من نزف روحنا ولا حياة
وهمية رسمناها من جروحنا ولا بنهرب ليها من كتر دموعنا

يعنى ايه كلمة بحبك

هى عذاب وغدر ولا راحة وامان .هى صدق ولا كذبه بنضحك بيها على الزمان .هى واقع ولا حلم بنهرب بيه من اللى كان ..

يعنى ايه كلمة بحبك

هى ايه ولا ايه بجد توهت لانى سمعتها كتير ولا قيتها مجرد كلام
زى كلام السلام والترحاب اللى بنقوله لاى حد والسلام

يعنى ايه كلمة بحبك

كلمة بسببها قلوب كتير اتغربت لكن نسبة كبيرة بيقولها والسلام وكانها اى كلام مش احساس وشعور صادق ونعمة كبيرة من ربنا

يعنى ايه كلمة بحبك

اتضح انها فى النهايه مجرد كلام ف كلام ..وماتت قلوب بسببها
واتغربت ناس علشانها لكن فى ناس كتير بتقولها من غير احساس وتفكير باللى قدامها ..

يعنى ايه كلمة بحبك