الجملة دى زمان كان قالها شعبان عبد الرحيم فى برنامج لما سالوه عن اختياره لالوان لبسه وشكله الغريب قال بلبس لون الانترية وبغض النظر عن ذوقه الا انه قال قاعدة مهمة جدا فى الديكور والذوق

اولا  حابب تكون ملفت فى مكان وكل اللى يدخل يشوفك يبص عليك البس لون ...........  لالالالالالالا مش الانترية   البس لون يليق على الانتريه يعنى حاليا الغالب فى الديكورات فى المحلات والكوفى شوب   الموف والاسود   اذا كان الغالب الاسود والموف لون ثانوى لو لبست اى لوم من الموفات او حتى درجات الرمادى الفاتح هتكون منورررررررررر وملفت  

ولو اللون احمر وانت لبست ابيض بجد محدش هيشيل عينه من عنيك  وطبعا انا مش بقول كده علشان تمشى تتعاكس لا انا بتكلم على مبدا انك ممكن تلفت نظر اللى حواليك باشياء بسيطة يعنى رايح انترفيو او بتشستغل فى مكان مهم ممكن تختار الوان لبسك او حاجات بسيطة زى الكرافت او الاسكارف نفس لون الحائط اللى وراك او لون الورد اللى فى الفاز جنبك وهكذا

2- فى المنزل والديكورات بقى لو فارشين الانتريه بلون احمر مثلا مش هقولك هات الفاز حمرا وتابلوة احمر لالالالالالالالالالالالالالالا كده اكيد مش هنحسي بفرق لما ندخل النار "  ده هزار طبعا علشان محدش يزعل "

لا هقولك هاتى فاز بيضاء او شفافه وحطى فيها ورده واحده حمرا بس

هاتى تابلوة فى رسومات الوانها مائيه مش واضحه معالمها واكبر لون غالب فيها الاحمر

وهكذا  كل لون وعنصر ليه مكمل ممكن يتناسب معاه المهم بس اننا نختار صح واى حد عاوز يستفسر او عنده مشاركة انا تحت الخدمة