أبناء مصر
ناويين بصحيح تجيبوها البر
وقلوبكم خالية من أي شر
إيدي على قلبي وعيني على ولدي
ولدي وولدك ... أبناء مصر
من الظلم ياما عانينا ...
جعنا واتعرينا
ضحينا بكل غالي ...
من أجل مستقبل حر
والحق ضاع هبروه ضباع
سلبوا خيرك يابلد
ونهبوكي في العلن والجهر
هبت ثورتنا البيضاء
من أجل العدالة والعطاء
والديمقراطية والحرية
ونجحنا
وبالفساد ورؤس الفساد
أطحنا ...
وبدأنا يادوب نبني روحنا
نلملم جراحنا
فين حبنا ... فين فخرنا
بمصرنا
فين الوفاء ... فين الصفاء
وبلدنا في أشد الحاجة لنا
قلنا نفديها بدمنا
وهى تنزف مننا
قلنا ناخدها في حضننا
نبنيها ونعمر فيها بجهدنا
وإلا ندمرها ونهدمها
ونكون همج في أفعالنا
نحرق ممتلكاتنا ونهدر دمنا
وكل قطرة من دمنا
بيها نحقق حلمنا
ننبت ثمرة لأولادنا
نبني مصنع ... نبني عمارة
نشق قناة ... ننشئ جسور
تنهض حضارة
نفخر كلنا
ونكون فخر لمصرنا
على مر العصور
بقلم
السيدالعربي رزق