هو لازم كل يوم الصبح يبدء
وفي النهايه لحظه غروب
وهناك عاشق بالحب يكفر
وهنا في لحظه عاشق يتوب
هي دنيا 
كل حاجه فيها ابيض
وفيه اسود
نهار بيسكن في بطن ليل
ربك علام بالغيوب
أصلها دقات قلوب
بياض قلوب
ناس طول عمرها ماشيه دوغري
وناس مقضيهابالمقلوب
يعني ايه انك تتولد
بصرخه واحده
قلوب تحن عشان قلوب
وهناك قلوب مولودة جامده
عيون بتدمع ساعه فرحها
وعيون بتدمع والله متعرف
مين في الأصل اللي جرحها
وهناك مشاعر
بجد تحس بيها مشاعر
تحس انك عايش عشانها
تحس انك علي الأرض طاير
وهناك حروف 
والله متفرق
أن كنت أعمي
اوكنت شايف
ان كنت فارس 
اوكنت خايف
اخرة حياتي لحظه غروب 
واخرة إبليس رغم المعاصي 
بعد حسابه لازم يتوب
وزي مافي لحظه شروق
لازم تيجي لحظه غروب
يابن ادم نصيحه اخيره
كفنا عمره ماكان له جيوب
بركعه واحده ممكن تعدي
مهما كانت جواك عيوب
أصل إبليس مستني فرصه
مستني رحمه
مستني فرصه انه يتوب
احمد عبد الحق

المصدر: كل يوم الصبح// بقلم الشاعر// احمد عبد الحق
  • Currently 0/5 Stars.
  • 1 2 3 4 5
0 تصويتات / 117 مشاهدة
نشرت فى 7 سبتمبر 2018 بواسطة Cleobatra

عدد زيارات الموقع

108,622