( كنت بستنى الوداد )
========
كنت بستنى الوداد
بالساعات واوقات ليالى
كنت بحلم بحكيات
ورويات سكنت خيالى
كنت بستناك تجينى
وتراضينى تشوفنى مالى
سبتنى للسهد وحدى
وفى هواك كثير بعانى
النهارده جاى تسأل
وتواسينى على حالى
لو قلوب الخلق تعطل
وجد قلبى فى نار رمانى
والوداد مسيره يرجع
من اللى باعنى ما اشترانى
للضمير تأنيب بيوجع
حتى لو من الذنب خالى
رغم عمرى اللى ضاع
قلبى لسه فى شبابه
رغم نار فكر وصراع
رغم تلطيمه وعزابه
رغم كل الضياع
رغم هم كثير اصابه
اتهزم اللى ظلمنى
والعوازل رجعوا خابوا
مش هبيعك ولاه اعاتبك
ولاه اقول كنا وكان
يكفينى عرفت غلطك
وان قلبى اخر مكان
والسماح بحره براح
فيه محبه وفيه جمال
مهما كانت الجراح
الوداد دوا والوصال
كنت بستناك تجينى
وتراضينى تشوفنى مالى
بقلم محمد البلاط