🌿🌿🌿هو سؤال 🌿🌿🌿
بقلم الشاعرة شيرين قزامل 
🌿🌿🌿🌿🌿🌿🌿🌿🌿
لجدي الأكبر في عندي سؤال 
ليه يا حبيبي الحال كده مال 
ليه النونو صبح متفرعن 
واللي تصونه يسد الباب 
ليه الطيب كده مظلوم 
وبفضل طيابته يكلو الغول 
رد يا جدو رد وقول 
انت الأصل واحنا فروع 
وليه الفرع طلع معووج 
لما الأصل كان موجود 
اوعى يا جدو تقول الدنيا 
اصل الدنيا أحلام فانيه 
ليه الجاهل يتحكم فينا 
وفين العقل اللي يقوينا 
فين العم وفين الخال 
فين اللمه مع اهل الدار 
فين مبادئنا اللي شربناها 
واحنا صغار من نبع جذورك 
طيب الحكمه اللي عاصرناها 
في وجود ابويا واللي في دوره 
ليه كده ماتت وقت ما ماتو 
اعزرني يا جدو انا قلبي في نار 
انا جوايا مية الف سؤال 
والإجابات مش موجوده 
اصل مابينهم دم وتار 
زي كده امشير مع طوبه 
طيب انا واقع ولا خيال 
والحلم في بالي شكله محال 
بس بجد دي حاجه تخوف 
احنا في مولد ابن لذين 
الدنيا بترقص وبتلعب بينا 
وكل مافينا بيلعب دور 
واكبر دور دور الطبال 
وفي اخر الليل بيطفوا النور 
ممنوع يطلع كده لينا صوت 
جدو يا جدو يا كل جدودي 
انا بقول ليكم على اللي بيتقال 
روحوا كده ناموا زي ماكنتم 
واحكوا علينا للأموات 
🌿🌿🌿🌿🌿🌿🌿🌿🌿
بقلم 
شيرين قزامل ((مصر ))
2018 / 8 / 19