&شعبيات&اشياء تحدث فى مجتمعنا  بالفعل&
              &بقلمى//صابر الطوخى&
الواد    عينيه   زايغه    وبيعاكس    ف الستات
تعصره    ينقط    ظرافه   علي حبة   إشتغالات
ماشى يحب على نفسه  وبتاع  رسم  وحركات
حياته   كلها      سكر     ورقص        وكبريهات
يقول     لدى     يامزه     ويقول    لدى    ياوزه
ولما  يشوفنى  يتسحب  ويخلع   من     سكات
طب   اعمل  ايه   ياربى  ف نصيبى    وقسمتى
نفسى   يقولى  كلمه   حلوه    ويحس   بلوعتى
اتاريه      سر       تعااستي       وحبه      بلوتى
مش شاطر غير  ف السرمحه والفسح والغيارات
وياريته  واد    مخلص    ووقت  الجد    يخلص
ويخرجنا    من  الفقر   ويعيشنا   عيشة    ذوات
دا  فنجرى   بق    وبتاع     قصص     وحوارات
متخدش منه غير  شوية نكت على حبة إفيهات
إمبارح   كان   مع   دينا   وبيعاكس    ف بوسى
وأول   كان    مع    امينه    وبيبصبص   للوسى
وبيرقص    مع    صافينار     رقصة    الصاجات
لا راحم رفيعه ولا عاتق تخينه ومخلص فلوسى
ومضيع تعبى وشقايا،وتحويشة العمر  اللي فاات
مره   يجيني   مشغول  ومره   يجيني  مسطول
ومره يجيني  سرحان   ومره    يجيني   مخبول
ومره   يجيني  مش عارف  الخميس  من التلات
وبيعرف يثبتنى بحبة سهوكه وحبة  حبشتكانات
الحل    ايه     قلولى    قبل    مرتكب     جريمه
اوعوا     تقولولى   نزوه   اوعوا  تقولولي  غيمه
انا خلاص فاض بيا والنفسيه محتاجه  مسكنات
بقلمى// صابر الطوخى

المصدر: الواد عينيه زايغه// بقلمى// صابر الطوخى
  • Currently 0/5 Stars.
  • 1 2 3 4 5
0 تصويتات / 47 مشاهدة
نشرت فى 10 أغسطس 2018 بواسطة Cleobatra

عدد زيارات الموقع

54,914