دعاء
.------------------
بحق شهرك الممنون
بحق الخلق وكُن فيكون
بحق نبيك المُرسل
بحق كتابك المُنزل
أغيثنا يارب
أغيثنا يارب
أغيثنا يارب
-----------
ضُعفنا وضَعفنا منا
وسيبنا الغير بيحكُمنا
فكان عينه على دينا
وشق طريقنا الواحد لألفين شق
فتوهنا وضعنا فى التية
كما فرعون عليه البحر قام وأنشق
أغيثنا يارب
أغيثنا يارب
أغيثنا يارب
------------
يارب اليمن والبركات
هنُخرج ايمده من الظلُمات
ما بين شِيعة وبين سُنه
وبين الشافعى وأبو حنبل
وأنت كتابك الأكمل
ومش محتاج لأي وسيط
ولا تفسير ولا تفنيد
جادلنا معاك وبجدالنا
جِدلنا حبل يُخنقنا ويُشنقنا
وبرضك لسه بنجادل
كما فرعون
كما قارون
كما النمرود
كبني إسرائيل فى دبح البقرة بتجادل
وكلمة حق مش محتاجة أى دليل
وأنت الحق
أغيثنا يارب
أغيثنا يارب
أغيثنا يارب
__________________.
شعر/محمد توفيق

 

المصدر: دعــــاء// بقلم الشاعر// محمد توفيق
  • Currently 0/5 Stars.
  • 1 2 3 4 5
0 تصويتات / 50 مشاهدة
نشرت فى 19 يونيو 2016 بواسطة Cleobatra

عدد زيارات الموقع

55,653