كام الف شئ عدوا 
و ايامى بيمدوا 
ياسنينى ما تهدوا 
دا الفجر لسه مجاش 
راكبة حصان يا حياة 
خطاويا مش طيلاه 
رامح و باستناه 
و العمر ما استناش 
خد منى ياما كتير 
و مشيت كتير مشاوير 
و احترت فى التصاويير 
اللى ما بافهمهاش 
الدمع صاحبنى 
فى الصفحة كاتبنى 
و الخوف معذبنى 
و الحلم فيا باش
يا حد جوايا 
يا صورتى فى مراية 
يا نص ضحكاية 
 انا عنى ليه متحاش 
ما تقربو منى 
يا حاجات يا ظلمنى 
و تملى تهمنى 
و الدنيا ما بتنساش 
خلونى مرة اعيش 
و جناحى يبقى بريش 
و بلاش تقولو مفيش 
ولا  مفيش ببلاش ؟ 
#فهمى_على

 

المصدر: بقلم الشاعر// فهمى على//كام الف شئ
  • Currently 0/5 Stars.
  • 1 2 3 4 5
0 تصويتات / 53 مشاهدة
نشرت فى 14 يونيو 2016 بواسطة Cleobatra

عدد زيارات الموقع

55,653