متجيش معايا تجرب تكون إنسان
تحس بالغلبان
تحس بالبردان
تحس بالحران
تحس بالفرحان
تحس بالزعلان
تحس بشوقة أم لولدها
بحسرة أب علي إبنه
تحس إنك ضعيف ومظلوم
والكل حوليك بينكرك
تحس إنك غرقان
نفسك حد يمدلك إيده
ياخدك لشط الأمان
جرب بس لو ساعه تكون إنسان
أكيد هتفرق كتير
ذنوبك كتير
ربك رحيم رحمان
يغفرلك بس جرب تكون إنسان
قربت بعدت لازم يوم هتفارق
سيب ذكري حلوة نفتكرك بيها
حتي لو مقلناش الله يرحمه
نقول دا مرة  شوفنا منه
لحظه كان فيها إنسان
يلا بقا رمضان  جاي
صالح وسامح
خلي بنا شجر الحب طارح
والله الفرحه حلوة
بس جرب تكون إنسان
#بن_عابدين