الشاعر المصري /احمد ابراهيم
**************************
فى قصيدة / ( بتوقيعي انا السوري )
***********************
على وعد الألم ماشي ومستني
على وعد الآمل يمكن
تخطّي خطوتى خوفي
تهاجر دمعتي عيني
وتتبدل حياة ف روحي
اعيش تانى على فرحه
والمس ارضي بكفوفي
واقيد شمعة حنين ليكي
واطويكي بجناح شوقي
وقالو مين هناك ماشي
كتمت الصرخة من صوتي
كتبت القصة فى دروبي
وتوقيعي انا السوري
انا الماشي فى ليل قاسي
واه بردانه يا ضلوعي
كتمت الحزن جوايه
وفجر نهاري بيعتّم
ومتيتّم نهار خوفي
دروب فيها الالم يرسم
اهات الجرح
وبكتب لسه مكتوبي
ولسه القصة فى بديتى
ولسه سطور
على حكايتي مكملتشي
ولسة الغنوة
مفقودة على لحني
ولسه الناي ما قسّمشي بواقي
غنوتى ف جرحي
ولا رجعت ف يوم شمسي
وراح النوم واحلامي
فى ليل قاسي عيونى
فيها ماتنمشي
وانا لسه ف دروب م الخوف
انا لسه انا بمشي
********************
الشاعر المصري / احمد ابراهيم