أفتحى باب الكلام
............
ياما كان دار بينا كلام
واشتكت لى قسوة الأيام
إللى جرى منها وأحلامها
مع ليلها صبحت أوهام
كانت بتشكي لى واحكيلها
ف ليل الغرام اسمع مواويلها
اسمح دموع الجوى بمنديلها
قلبى نادلها طفت قناديلها
سبتنى وحدى اسهر ليلها
و قفلت باب الكلام
سهرت ليلى ويا النجوم
الكلام دبل على الشفايف
القمر ادارى ورا الغيوم
من الهموم بقيت خايف
اشكى من الهوى حالى
ولا يجيبوا عليا الملام
من إللى هيسمع موالى
ويخلى العين تغفو وتنام
وتفتح باب الكلام
كتبت وبعت لها رسايل
كنت فيها عليها بتحايل
ترد وتطمن قلبى عليها
تعاتبنى لو قلبها منى شايل
تقولى حصل منى ايه
وليه كان الهجر ليه
هى الحلم إلى بحلم بيه
الشوق مستنيه يجى قوام
وتفتحى باب الكلام
......
بقلم. الشاعر
الأمير. محمود
