نهاركم لزيز يا موزز " دا من اهم البوستات شد البطن و الصدر و الجسم كلو فى خلال شهر
هتلاقى جسمك بقى حكايه " وخلى جوزك يشوفك ديما عروسه
الى هتبدا معانا وتزبط نفسها قبل رمضان
القصة مش قصة دايت ورياضة بنلتزم بيها عشان نخس كام كيلو وخلاص !
لأ
القصة قصة إرادة وعزيمة وإصرار نقدر بإذن الله نحقق بيهم أي هدف في حياتنا
ونوصل للحياة الصحية الي لازم نعيشها
وصدقوني كل واحدة فينا جواها القوة انها تحقق حلمها .. بس المهم نبتدي يا سلام!
الرياضة - Working Out
في نقطة مهمة جدا جدا عايزة اوضحها في الأول لأن كتير بيخاف منها :
ناس كتير متخيلة انها لو لعبت رياضة و وقفت جسمها هايترهل ويبوز ويرجع اسوأ من الأول
وناس كتير فاكرين ان الرياضة بتحول الدهون لـ عضلات ولما توقفي رياضة هاترجعي تتخني تاني كأنك معملتيش حاجة
طبعا المعلومات دي مش سليمة خالص
أولا: احنا بنلعب رياضة بتحرق الدهون الي في الجسم + بتنحت الجسم وتعمل toning للعضلات
مفيش اي نوع رياضة بنلعبه هنا بيبني عضــــــلات !
احنا بنحـــــــــــرق الدهون مش بنحولها لــ عضلات
بناء العضلات ده قصة تانية خالص ملناش فيها .. احنا مش داخلين مصارعة احلى ابتسامة
ثانيا: احنا مش بنلعب كل يوم 3 ساعات رياضة
ولا بنلعب رياضات عنيفة
عشان أول لما نوقف جسمنا يترهل او يبوز
احنا بنلعب من نص ساعة لـ ساعة رياضة فقط ( وده الوقت المناسب جدا لأي شخص عادي )
وبنلعب رياضات زي ما قلت تحافظ على شكل ورشاقة الجسم
ولو جيتي في وقت وقفتي مش هاتتخني تاني ولا حاجة
لكن !
طبيعي جدا لو رجعتي تاكلي كتير و تقعدي من غير حركة
هاتتخني
وساعتها متلوميش على الرياضة لومي على نفسك لانك اهملتي ودي النتيجة الطبيعية لإهمالك
###
طيب تبتدي منين و إزاي وايه الرياضة المناسبة ليكي !؟؟؟
أول حاجة هابتدي بيها للناس الي وزنها تحت الـ 80 كيلو
الناس الي محتاجة تخس أوزان بسيطة يعني لحد 10 كيلو
والناس الي وزنها مظبوط ومثالي لكن محتاجة تنحت جسمها بالرياضة
التمارين دي هاتنحت جسمك ولو حبيتي تخسي
اعمليها مع دايت هاتخسي ان شاءالله في حدود شهر او شهرين بالكتير ابتسامة
بس أرجوكم حملوها علطول لأنها ممكن تتشال من النت في أي وقت
*
*
*
1- - تمارين الـ 30 day shred مع المدربة jillian michaels
التمرين ده بينحت الجسم بالكـــــــــــامل
البطن والضهر والدراعات والأرداف .. يعني بيشتغل على الجسم كله
مناسب للمبتدأين في الرياضة ويفضل للناس الي وزنهم تحت الـ 90 كيلو
مدته شهر واحد فقط
التمرين عبارة عن 3 مستويات بتزيد صعوبتها بالتدريج مع كل مستوى هتلعبيه
وكل مستوى مدته لا تتعدي النصف ساعة فقط
https://www.youtube.com/watch?v=1Pc-NizMgg8
تاني مستوى هايتلعب 10 أيام
https://www.youtube.com/watch?v=ZEz0VGxsiqc
- أيام الراحة في التمرين ده
كل 10 ايام يوم راحة .. يعني بين كل مستوى والتاني
- طريقة تحميل أي فيديو من على اليوتيوب :
هاتكتبي www.ss وتكملي باقي اللينك زي ما هو وتفتحيه هيطلعلك لينكات التحميل
1 - تمارين شد ونحت منطقة البطن
killer abs للمدربة jillian michaels رائـــــــــــع
3 مستويات كل مستوة هايتلعب لمدة شهر كامل
ويوم راحة في الأسبوع
https://www.youtube.com/watch?v=mBiWl_4fbzk
2- تمارين شد ورفع منطقة الصدر
https://www.youtube.com/watch?v=zBaBIBLvrUA
- توقيت لعب التمارين هايكون امتى !؟
يفضل يكون بالنهار بدري لأن الحرق بيكون أعلى
ولو مش هتقدري مفيش أي مشكلة
لكن اختاري وقت ثابت يوميــــــــــا
واللعب لازم يكون قبل الأكل بـ ساعة
أو
بعد الأكل بـ ساعتين
****
- الشاور بعد التمرين بـ 5 دقايق لما جسمك يبرد
وتاخدي شاور بمياه فـــــــــاترة مش ساقعة ولا سخنة
****
- الأوزان المستخدمة في التمارين !؟
كيلو أو كيلو ونص حسب تحملك ( أهم حاجة متكوش خفيفة على ايدك عشان تستفيدي منها )
وتقدري تستبدليها بإزايز مياه .. وتقدري تملي ازايز المياه دي رمل وتستخدميها
****
- أيام البريود بنلعب عادي جدا بس بنعمل التمرين على خفيف
متشديش على نفسك أوي وانتي بتلعبي
غير كده اللعب عادي جدا مفيش منه اي ضرر ان شاءالله
****
- مهم جدا تلبسي شوز رياضة
و برا رياضي او اي حاجة ديقة تشد المنطقة دي اثناء اللعب عشان متترهلش
****
ملاحظات مهمة جدا :
1- الوجع طبيعي جدا جدا جدا أول 3 أيام من التمارين
وعلامة كويسة ان عضلاتك اشتغلت و جسمك ابتدى يتغير
لا تقلقي احلى ابتسامة
2- مينفعش تجمعي أي تمرينين مع بعــــــــض
غلط جدا جدا جدا
التمرين الوحيد الي ممكن تجمعيه بأي تمرين تاني
هو المشي لانه بسيط وتأثيره مش قوي على عضلات الجسم
3- لو وزنك فوق الـ 90 أو بتعاني من مشاكل في ركبتك
استبدلي حركات النط بالمشي في المكان
متعمليش حركات النط خالص
4- انتبهي كويس جدا انك تعملي كل حركة صح
راجعي التمرين كويس قبل ماتعمليه عشان تلعبي كل حركة بشكلها السليم
وتوصلي للنتيجة المطلوبة
ساحة النقاش