جايينك يا بلد
 
جاينك يا بلد
سايقانا ليك اشواقاَ ماليها حد
رغم حِنك
و رغم القسوة فى الدرب الجاى منك
برضو جاينك يا بلد
سايقانا ليك
هزّة حجول
و دقة طُبول
و صوت نقارة فى نص البلد
جاينك يا بلد
على صوت عيالاً رقصوا المندله
فى ضى القمر بى روعة صلة
واااااه شوقى لى فٌرقانك الكاسياها الحلا
مزدانه بالعز ... و شموخ اهلا
مالياهم الغيرة لبلد الجدود و الصلة
...
حليلك يمه .... حليلك اخوى
حليل ناسنا الحنان
حليل النيل الماخدة من طينك عسلها
حليل الطلة من شرفة جناينك ..!!
و همة اهلها
..!!!
انجنا جاينك يا بلد
رغم حنك
رغم القسوة فى الدرب الجاى منك
برضو جاينك يا بلد
 
الباقر على – 6 \ 3 \ 2016م