الف ..لام ..ميم
"أ ب ك ى ى ى ى ى ى ى ف حضن مين ياسيدنا الحسين ومين يمسح م العطش روحى"
أنا فى بعدك
وحيد ...مكسور.... ،ذليل ومتعرى
ف سكرة موت
الف وادور- حلاوة روح - حوالينى
ولا صليت ف محرابك
ولا اتمرغت ف ترابك
وكلى جروووووح
ومفيشى قلوب تواسينى
انا ........
متهان وانا سيد
وكنت زمان - بسر هواك-
كلامى كله يتأيد
انا ف بعدك ذبيح
واقف
حبيبتى هنااااااااااااااك
ف آاااااااااااااااخر الكون
تخطى لما أخطيلك
وتندهلى لما باندهلك
لا انا مهدى
ولاانا باهديلك
"سلام لله"
اطفى
يا حبيبتى قنديلك
لاانا بحرك ...ولا نيلك
لا انا سامعك ولا شايفك
ولا جوارحى
فيهااحساسك
ولا ن ا ز ف على حضنك بكاى ودمى وملامحى
ولا عرقى ف مسامك
كما ملحى
انا منك وانا دمك وانا حلمك وانفاسك
لكين
م
م
ح
ى
