.***أسهل كلمه***
أسهل كلمه تمللي تقولها
أنا مش عاوز اشوفك تاني
شفت إزاي إن إنت أناني. !
تاني بتجرح
تاني بتقسي
بردوو بتنسي
تاني سايبني بجرحك اعاني
كنت استغفر ربك مره
لما شيطانك ييجي و يحضر
كنت اتوضي
كنت اتوضي بدمع عيوني
اللي كتب لك احلي أغاني
كنت اكتب لي بقلبك جمله
فيها تقول لي استني ثواني
كنت تمللي بتترجاني
لو زعلتك إوعي تغيبي
ده معناها بحبك اكتر
كنا بنرسم يومنا بيومنا
كات احلامنا لبكره بتكبر
طلع إمبارح هو الجاني
كنت استني لحد ما تهدي
كنت اتروي
جرب تسأل نفسك مره
انا بجرحها بجد دي و لا
واخده كلامي كأنه حكاوي
المره دي
بجد انا همشي
اصلي عملتك نني و رمشي
و إنت مصنتش دمعي الغالي
لو إحساسك بيا حقيقي
كانت الدمعه ف عينك تبكي
قبل ما توصل هي لعيني
كات تمسحها ايديك مع إيدي
كان الجرح ال بيجرحني
يوجع قلبك قبل وريدي
بص يا سيدي
ياللي عيونك فجر سنيني
و فرض بيمحي كل أنيني
يمكن ييجي الفجر شيطاني
يضحك مني و ينيمني
بس فروضك ..
عمر ما كات تخلف مواعيدي
تيجي نصلي
ييجي علينا الفجر نقوم
ننوي الصوم
و يبقي سحورنا
رغيف إتقسم
بيه بنغمس كلمة حب
و يبقي الشرب
عسل مع ريقي
و اما الجرح يصيبني ف كفي
دمك ينزف
بس اﻷعنف
جرحك خلا الجرح اتأسف
و الشريان اللي بيحييني
فجأة لاقيته دبح لي وريدي
