البسي كل الدولاب
والبسي مليون شراب
لسة برد الدنيا فيكي
والدفى واخدك غياب
،،،،،،،،،،،،،،،،،،،،،
الشتا ساكن عيونك
والبرود ماسك جفونك
كنت بتمني اصونك
بس توهنا ف الضباب
،،،،،،،،،،،،،،،،،،،،،
قولتي سيبك مــ البرود
يكفي احساسك يسود
لما تلمس الخدود
الجليد هيكون سراب
،،،،،،،،،،،،،،،،،،،،،
يا غرام مالك ومالي
عل القدر مصعبش حالي
احضن القطب الشمالي
والذهاب مفيهوش اياب
،،،،،،،،،،،،،،،،،،،،،
بالغرام فضلت اكسر
بالساعات والله واكتر
القى تلجك تاني يكبر
والعيون نازلة عتاب
،،،،،،،،،،،،،،،،،،،،
انتهت بينا المعارك
والسلاح رافض يشارك
نفسي اترك تلج دارك
قبل ما يضيع الشباب

                           ــــــــــــــ

                                    احمدرمضان

                                      https://www.facebook.com/alfilsofahmed