ولسه قاعدة فــ اوضتها
وجنب سريرها دفاية
فراش الوحده يحاوطها
ويعكس حيره ف مرايه
،،،،،،،،،،،،،،،،،،،،
ومهما تشد ف غطاها
يزيد البرد جواها
تكسر تلج وحدتها
بذكري لسة فكراها
،،،،،،،،،،،،،،،،،،
ويرجع فكرها يبلم
لما تبص حواليها
حيطان الاوضة تتكلم
تمطر دمع ف ايديها
،،،،،،،،،،،،،،،،،،
ويصبح دمعها بحرين
ما بين حيطه وبين خدين
ويتقابلو علي سريرها
واحلامها تكون شطين
،،،،،،،،،،،،،،،،،،،،
يا غرقانه
ما بين ماضي وبين حاضر
يا زعلانه
بإن الليل ملوش اخر
،،،،،،،،،،،،،،،،،،،،
يا مركب تايهه ف دموعك
وعامله مخدة مجدافك
وموج يخطف هوا ضلوعك
مين عل البر كان شافك ؟.؟..
ـــــــــ
احمدرمضان
https://www.facebook.com/alfilsofahmed
