كبرنا بسرعه ورضينا
تلف الدنيا بحياتنا
وسرقت منا امانينا
وغابت شمس ضحكتنا
،،،،،،،،،،،،،،،،،،،،،،
كبرنا بسرعه واتبدل
لون الشعر بالابيض
بطول السكة نتبهدل
ومين بشبابه راح يفضل
،،،،،،،،،،،،،،،،،،،،،
كبرنا ومين بيسمعنا
ويزرع الامل فينا
في زحمة الحياه توهنا
لا لينا مرسى ولا مينا
،،،،،،،،،،،،،،،،،،،،،،
وادينا فيها بنحارب
ونخسر كل يوم احلام
واجمل حلم بقى شايب
كبر ويانا في الاوهام
،،،،،،،،،،،،،،،،،،،،،،،،
عايش جوانا يتعايب
ويتحمل كتير صدمات
وسهم الحزن كان صايب
وغرق الحلم جوه عياط
،،،،،،،،،،،،،،،،،،،،،،
يا دايرة لفي بالراحه
بلاش تجري اوي بينا
بلاش تقوليها بصراحه
بإن الفرحه مش لينا
،،،،،،،،،،،،،،،،،،،،،
كبرنا بسرعه ورضينا
تلف الدنيا بحياتنا
وسرقت منا امانينا
وغابت شمس ضحكتنا
