#بــــــحبك
بحبك بحبك يا طاير ف سربك
ونفسي ف قربك ونحضن سحاب
بحبك يا رحلة بعيشها ف حلمك
واصحي الاقي منك جواب
..............................
بحبك ونفسي ابدل ملامحي
بنفس ملامحك وافضل شباب
دي دنيا بتاخدني تبدل ف شكلي
وتيجي لــ حدك بتاخدك غياب
،،،،،،،،،،،،،،،،،،،،،،،،،،
جمالك بيفضل يجنن ويهبل
ومهما كبرتي حياتك اياب
هردد ف اسمك واحبك واحسك
واشيلك ف لبسي كأنك حجاب
...........................
يا ام المشاعر يا كل المظاهر
يا ضحكة بتظهر ف لحظة عذاب
خديني ف حلمك واضمك كـ طفلك
بلاش تبعديني ينوبك ثواب
احمدرمضان