على مصطفى " أنا أبقي مين ؟؟ "

أنا أبقي مين ؟؟ :-
==========
أنا الأمان 
اللى أتخلق علشان عيونك
أنا الحنان
الدافى وفى حضني أصونك
أنا شوق سنينك
وفى جبينك
أرسم الأحلام 
أماني من زمانك 
محتاج حنانك
يشفى قلبي من الألم
ويرجع الروح اللى تاهت
فى العدم
أنا نبض قلبك للحياة
أنا حصن من ظلم الطغاة
أنا صرخة الحب 
اللى طالعه بألف أة
أنا دمعه من عينك
بتروي ورد يستنان المحبة
أنا طفل جوه أحضانك 
بيكبر حبه حبه
ولو فى يوم حس انه غلطان !!
من عيونك يستخبه
لسه برضه بتسالي 
أنا ابقي مين ؟
أنا الحنين
أنا شوق دفين
أنا نبض قلبك 
من سنين
أنا اللى عايش جوه قلبك
مستكين
أنا اللى حاسس 
نبض قلبك والأنين
أنا السجين
اللى أتحكم 
يفضل لسجانه الأمين 
أنا المخلوق عشانك 
من صلصال وطين 
يا أجمل ابتساماتي
فى العمرى الحزين !!
أنا الأمين
يا هل ترى راح تسألي 
أنا أبقي مين ؟؟

بقلمي ،،
على مصطفى ،،،
28 / 3 / 2015 م