==صبرنى بس ياقلبى شويه ==بقلم / أشرف عبد الحليم

ياقلبى ليه نسيك الحب والافراح

وليه دايما تقابل هجر الحبيب بسماح

ليه حب السنين 

معلموش الاخلاص ليك

داحنا ياما لعبنا وجرينا

وياما خاصمن وصالحنى

كنت ببكى ان نام زعلان

لو زعل فى ليله ونام

واصبح اصبح عليه

وفرحه بحبى ليه

واحس بدموع عنيه

وانا ماشى بطل عليه
وارجع اقابله تانى 
واجرى وامسك اديه
وعنيه تيجى فى عنيه
وتسرح من شوقها ليه
وليه هو ليه دايما بعيد
ومش محسسك بحبه ليه
وفى الفرح دايما نسيك
وف حزنه بس تلاقيه
صبرنى ياقلبى شويه

بدال غاوى مسامحه ليه