أياك تخبئ
حبنا
ما بنداريهوش
لما نكون
بنحب بجد
وكﻻمنا
ما بنقولوش
مجرد كلمه
ﻻى حد
مش مجرد
كلمه وبس
دى مشاعر
لناس بتحس
لما الكلمه
تطلع من فيها
تبقى اكيد
حست بيها
وكان ليها
مشاعرها
حركت جواها
حاجه فيها
وما قدرتش
انها تخبيها
اصل الحب
مش مجرد كلمه
ومش أنا
اللى حا أتكلم عنها
ليها ناس
تكلم فيها
انا حا أتحرك
علشانك
حا اوصل
وأسألك
أنت فيها
خايف ليه
أتكلم عنها
ليه مشاعرك
بتخبيها
خايف تكدب
وتقولى
متعرفش بيها
بتقول مكسوف
ومش معروف
الكلمه اللى
بتكلم فيها
أنا خايف اضحك
ده انت عنيك
بتحاول تداريها
لحسن اعرف
انا مين جواها
اصل صعب على
أصدق كﻻمك
هو انت فى دنيا
مش عايش فيها
بس عشان خاطرك
انا حا أعمل نفسى
مش واخد بالى
وحا أقول
بمزاجى حا اعديها
لجل ما تيجى
انت بخطرك
كده تحكيها
يبقى ساعتها
ابقى اعاتبك
وأفكرك بيها
