جارى التحميل
استخدم زر ESC أو رجوع للعودة
"بلاش تبعد"
بلاش تبعد تعالي
بلاش تعند معايا
بلاش كلمة وداع
دا أنا قلبي كان لك لوحدك
وعمره ما كان مشاع
بلاش تقول كلمة وداع
ماأنا كنت ملك ايدك
قدرك ومن نصيبك
وعمري ما فكرت أسيبك
وانت كنت حياتي ودنيتي
وعمري اللي باقي وقسمتي
حلم صبايا . أمنيتي
منحتك دفء مشاعري . حنيتي
وانت مش حاسسني وهجرتني
وجاي دلوقتي تقولي الوداع
أنا اللي اشتريت وانت اللي باع
وتقول ان اللي بينا خلاص ضاع
دا أنا حياتي من غيرك ضياع
أنا كنت في يوم أمنيتك
طب بعدك فين ألاقي حنيتك
وازاي أمشي في طريق غير سكتك
كانت سعادتك أكون نصيبك
وأنا كمان كنت باريدك
وكان منايا أكون وحدي حبيبك
لكن مش بايدي أو بايدك
مش تريدني أو أريدك
هو دا نصيبي ودا نصيبك
ياحبيبي انت مش نصيبي
لكن حلمي و دنيتي
وحبي الحقيقي
ياحبيبي أنا كنت دايما باغير عليك
كنت اغير أد حبي أد احساسي بيك
أد خوفي أد قلقي أد لهفة قلبي عليك
كنت أغير من كل عين تيجي في عينيك
كنت أغير من كل لمسه حست ايديك
كنت بأغير مني علي حبي ليك
كنت أغير من أي ورده تلمس ايديك
كنت أغير من أي نسمه مرت عليك
كنت أغير ياحبيبي من نفسي عليك
كنت معاك بانسي نفسي
بأنسي رسمي وأنسي حسني
بانسي ايه كان يبقي اسمي
ما انت اسمك ياحبيبي
هوا . هوا نفس اسمي
وروحك أصبحت ساكنه في جسمي
ما احنا دوبنا وامتزجنا من زمان
من يوم ماحسيت معاك الأمان
وكنت أقولك قرب .. قرب كمان
وبعدين جي دلوقتي
عايز تسبني أعاني وحدي
جي فجأه تقول وداع
لا .. لا يا حبيبي مفيش وداع
مش هاأقولك ابداً وداع
مش هاأقول أمرك مطاع
ولا هاكون لقرارك انصياع
لأجل ما تسبني وحدي
أعاني من الضياع
لا ياحبيبي أمرك مش مطاع
دا اللي بينا مش كدا
اللي بينا أكبر من كدا
اللي بينا ياعمري
ماكان سرد لكلام
ولا كان وهم أو مجرد أحلام
اللي بينا كانت وعود
كانت عهود . أمن وأمان
كان حب دافي .. كان صدق وحنان
يبقي ليه تجور وتظلم قلبنا
ليه تنقض وثيقة حبنا
دا احنا الفراق مش طبعنا
من امتي بنخون العهود
من امتي بنخلف الوعود
من امتي وانت كل دا
من امتي يا حبيبي وانت قاسي
ومن امتي لكل اللي بينا ناسي
وليه عايزني من حبك أأسي
من امتي ياكل أهلي وناسي
من امتي كل دا منك انت
من امتي
لا .. لا ياحبيبي انسي
دا القرار مش ليك لوحدك
وان بعدت يوم مش راح أسامحك
دا احنا روحنا في بعضنا
والفراق مش حقنا
فابلاش .. بلاش نعذب بعضنا
تعالي يا حبيبي نحقق حلمنا
وبلاش يكون الغدرطبعنا
ولا الخيانه تجري في دمنا
تعالي ياحبيبي .. تعالي
تعالي نحقق حلمنا
والله يعوض صبرنا
