بحلم باحلام كتيرة اوي ونفسي تتحقق
بحلم برضا ربنا والفوز بالجنه والنجاة من النار
بحلم ونفسي كل الناس تحب بعض ومن غير حقد وحسد اكيد حياتنا هتبقي احسن
بحلم كل واحد ربنا يحققله كل امنياته
بحلم نعيش في سلام واستقرار
وبحلم كل معاق يعيش في مجتمعه بكونه فرد ايجابي
بحلم اننا ناخد كل حقوقنا ونعيش حياتنا بشكل محترم وأدمي كلنا نتعلم صح ونشتغل صح ونتعالج صح ونعدي الشوارع ونطلع الارصفه صح وبحلم تنظر لينا الناس نظرة صح احنا بجد طاقه مكبوته وياريت كلنا نخرجها ونعمل كل استطاعتتنا لنثبت لانفسنا وللاخرين اننا لسنا معاقين
بل اننا متحدين
بحلم نكون كلنا ايد واحده كلنا نتجمع علي هدف واحد نتكاتف سويا للوصول للغايه الكليه وهي الحصول علي ما يتيح لنا حياه كريمه في كل اشكال المجتمع
بحلم كل واحد يعرف قدراته ويجدد نيته انه لازم يبقي احسن مما هو عليه
وبحلم حلم كبير
بحلم اعمل فرح جماعي لكل اصحابي واحبائي ونفرح كلنا مع بعض
وبجد ده اكتر حلم نفسي يتحقق
وفي النهايه ياريت كلنا نحاول نحلم ونفكر ازاي نحقق الحلم حقيقه اكيد بدال عندنا عقل وطول ما فينا نفسي يبقي مفيش مستحيل ويظل الامل موجودطالما توجد الحياة
